𝗣𝗔𝗡𝗜𝗧𝗜𝗞𝗔𝗡: "Pinalaya sa palad ng walang hangganan" ni Gen Paris Masamayor.

Published by: Angel Pelleja

Date Published: October 10, 2023

Time Published: 8:16 AM

Kategorya: Tula

Tema: Kabutihan at Katapatan laban sa kasamaan ng masamang nakaraan.

Hindi ginustong magkamali,

Ngunit patuloy na sa aki'y nandidiri.

Anong kasalanan ang nagawa?

At ako'y iyong pinalaya;

Pinalaya sa palad ng kawalan,

Ikinulong at sinaktan;

Habang ako'y walang kamalay-malay,

Na ako ay iyong inialay—

Sa masama mong gawi;

Na kahit kailan ay hindi mo maikukubli.

Walang humpay sa pagkukunwari,

ang nais ng iyong budhi.

Isa na ako sa nasawi,

Isa na ako sa nawili,

Sa iyong pagiging balimbing;

Na kahit kailan ay hindi ko kayang pagalingin.

Sapagkat, ika'y matagal nang may poot;

At hindi mo kayang makalimot,

At kahit saan ay sumuot,

Ay parati kang nahahablot—

Ng mga masamang panaginip;

Na pilit mong iwinawaglit,

Sa iyong nakaraang ka'y lupit,

O kay sakit.

Pilit iniintindi—

Ngunit, masiyadong mahapdi;

Masiyadong malalim,

Ipinapanalangin nang taimtim—

Kung paano aabutin ang iyong mga kamay,

Nang hindi ka nangangalay;

Sa ating paglalakbay,

Patungong tagumpay ng ating mga buhay—

At sabay nating kalilimutan;

Ang lahat ng ating mga nakaraan,

Kasabay sa pagbabago ng walang hangganang;

Pagmamahalan.