Inilathala ni: Jeliana Atabay
Petsang Inilathala: Oktubre 15, 2025
Oras na Inilathala: 8: 35 AM
Kategorya: Tula
Tema: Pag tatago sa buong mundo dahil ako ay naliligaw
Sa likod ng aking matatamis na ngiti,
ay may sugat na tinakpan ng ngiti.
Hindi lahat ng kaya ay gusto
Sapagkat sa bawat pagtatago...
ay dahan-dahang gumuguho ang aking mundo.
Ako'y naliligaw habang may liwanag,
tulad ng bituing iniwan ng kalangitan.
Ako’y alon sa dagat ng kawalan,
lumulutang, walang pampang na masasandalan.
Ang natitira kong lihim
ay ang bigat na takot akong ibahagi.
Nagpapanggap ang aking mga mata,
na parang walang bakas ng pagod at pangungulila.
Ako'y nangungulila sa dati kong anyo,
sa sariling alam ang tinatahak ko.
Sapagkat sa mundong ito,
mas madaling maging anino
kaysa maging tao.
No comments:
Post a Comment