𝗕𝗔𝗟𝗜𝗧𝗔𝗡𝗚 𝗜𝗦𝗣𝗢𝗥𝗧𝗦: "Swiatek nilampaso si Rybakina, batikos sa Polish tinuldukan" ni Macky Louize G. Sablaon

Disenyo ni: Dhenmar Lusanta

Inilathala ni: Lanaia C. Paulin

Petsang Inilathala: Agosto 20, 2026

Oras na Inilathala: 4:29 PM

Tinapos ng Polish powerhouse Iga Swiatek ang mga duda at kritisismo mula sa sariling bansa matapos paluhurin ang top seed Elena Rybakina sa WTA 1000 Toronto Open na ginanap sa Toronto Canada noong Agosto 14, 2026.

 

Nagbunyi si Iga Swiatek matapos maselyuhan ang ika-26 na WTA Title sa 1000 Toronto Open at walisin ang World No. 2, Elena Rybakina, 6-3, 6-2.

 

Pinatunayan ni Iga ang kaniyang sarili sa mga pamimintas na natanggap mula sa Poland community matapos maibulsa ang kaniyang kauna-unahang kampeonato ngayong taon mula sa 11 buwan na huling nanalo ang Polish sa 2025 Korea Open.

 

Sa pagsisimula ng unang set, nagpakawala ng break serve ang Polish player upang makuha ang bentahe matapos magkaroon ng sunod-sunod na error ang Kazakh player at isara ang set sa iskor na 6-2

 

Bumawi naman si Rybakina matapos paulanan ng break serve ang Polish at maiangat ang lamang na 2-1 sa ikalawang set.

 

Nasikwat namang muli ni Swiatek ang kalamangan matapos magkaroon ng pagkakataong makapag-break serve at makakuha ng momentum sa ikalawang set.

 

Nabigong makabawi ng Kazakh player na nagbigay muli ng kalamangan kay Swiatek sa pamamagitan ng break serve upang makuha ang lamang na 3-2.

 

Patuloy na nagpaulan ng break serve si Swiatek hanggang sa naselyuhan ang laban sa match point sa pamamagitan ng break serve ng Polish player at tapusin ang laban, 6-3.

 

Ipinahayag ni Swiatek na ang pagkapanalo niya sa Toronto ay ang kanyang muling pagbawi mula sa kanyang early exit sa Wimbledon.

 

Ayon sa Polish player, "It means so, so much to me because the past months were not easy."

 

Isinaad din ni Iga na naging magaan sa pakiramdam na napatunayan na niya ang sarili mula sa mga batikos mula sakanyang lackluster na performance ngayong taon.

 

Dagdag pa niya, "It feels great, Especially, honestly, with all the people judging and hating."

 

Inamin naman ng World No. 2, Elena Rybakina na nagkulang siya sa lakas habang nasa laban at nawalan ng concentration sa court. Aniya, “I didn’t have much energy, I tried my best, but it wasn’t enough."

 

Dahil sa panalo ng Polish player, umangat muli ang world ranking nito mula No. 8 patungong No. 5.

 

Muling lalaban ang Polish powerhouse sa Cincinnati Open ngayong Agosto 15-23, 2026 kung saan dedepensahan niya ang titulo na kanyang ipinanalo noong 2025.

 

MGA SANGGUNIAN:

Agence F. P. (2026, August 14). Iga Swiatek rolls past Elena Rybakina for Canadian Open. Inquirer.nethttps://www.google.com/amp/s/sports.inquirer.net/690556/iga-swiatek-rolls-past-elena-rybakina-for-canadian-open-title/amp

 

Lorraine, M. (2026, August 14). Swiatek beats Rybakina for first title of season. BBC. https://www.bbc.com/sport/tennis/articles/cd9w5llzwnjo

𝗟𝗜𝗧𝗘𝗥𝗔𝗥𝗬: “Not Your Home, But Your Ruin” by Rophe I. Castillo

Published by: Lanaia C. Paulin

Date Published: August 20, 2026

Time Published: 3:23 PM

Category: Poetry

Theme: To be destined for someone but not as their peace and love but as their ruin and punishment

 

Seldomnly, I’d hope to be selfish,

Like i’m having dibs on the last dish.

I’d make you starve for scraps of affection,

Until your heart begged in pure desperation.

 

I’d leave you while you self deprecate,

Ignoring your cries while you just break.

I’d leave while you drowned inside your mind,

Ignoring the shattered pieces you couldn’t bind.

 

But most of the time, I’d kneel with trembling hands,

Begging God to break what my heart still demands.

“If they are not mine to love, then take my love away,

Before it destroys us more each day.”

 

Because we were never meant to intertwine,

Like broken stars refusing to align.

And even when my tears escape my eye,

My aching heart still fails to say goodbye.

 

Because to love me would only bring you despair,

A fire too cruel for gentle hands to bear.

Perhaps some souls are destined to part,

Not as peace and love, but as each other’s scars.

𝗕𝗔𝗟𝗜𝗧𝗔𝗡𝗚 𝗔𝗚𝗛𝗔𝗠: "Pamamaga sa bituka ng sanggol, posibleng madiskubre gamit ang liwanag" ni Keira Loraine Lagarde

Disenyo ni: Dhenmar Lusanta

Inilathala ni: Beatrice Isabel Miole

Petsang Inilathala: Agosto 20, 2026

Oras na Inilathala: 3:32 PM

Matagumpay na nasubukan ng mga dalubhasa mula sa Lurie Children’s Hospital of Chicago at Northwestern University ang isang teknolohiya gamit ang liwanag na maagang nakatutukoy ng Necrotizing Enterocolitis (NEC) o delikadong pamamaga ng bituka sa mga premature na sanggol nitong 2026.

Ang Broadband Optical Spectroscopy o BOS ay isang handheld na aparato na inimbestigahan nina Dr. Seth Goldstein at Dr. Vadim Backman na gumagamit ng infrared at visible light upang matukoy ang NEC sa mga sanggol na kulang sa buwan.

Ang NEC ay isang delikadong kondisyon kung saan nagkakaroon ng pamamaga at pagkasira sa bituka ng sanggol dahil sa nabawasang pagdaloy ng dugo at oxygen.

Dahil manipis at tila transparent pa ang balat ng mga premature na sanggol, nasusuri ng aparato ang kulay at daloy ng dugo sa bituka nang hindi na kailangan operahan ang pasyente. 

"If I can detect that color change through the abdominal wall without opening it, then I (can) screen for early changes," pahayag ni Dr. Goldstein sa isang panayam kay Brendan Pierson.

Sa isang paunang eksperimento sa daga na isinagawa nina Dr. Goldstein sa Johns Hopkins University School of Medicine noong 2018, napatunayan na gumagana ang teknolohiya nang may 100% katumpakan sa pagsusuri.

Matapos ang tagumpay sa laboratoryo, sinubukan ang teknolohiya sa 96 na premature na sanggol (mga naisilang nang hindi lalagpas sa 36 na linggo) na walang depekto sa tiyan o sakit sa puso mula kapanganakan. 

Sa naturang pag-aaral, matagumpay na natuklasan ng aparato ang sampung sanggol na may malalang kaso ng NEC, at apat naman na may biglaang pagkakabutas ng bituka at iba pang kondisyon sa tiyan.

Matapos ang mga isinagawang eksperimento at pag-aaral, napagtanto na ang BOS ay ligtas at non-invasive na ibig-sabihin ay hindi nangangailangan ng opera upang makapagsuri.

Gayunpaman, nagpaalala ang ilang eksperto na kailangan pa ng mas malawak na pagsusuri bago ito tuluyang gamitin sa lahat ng ospital. Ayon kay Dr. Ravi Patel, Director ng Neonatal Clinical Research sa Emory University sa Atlanta, "Too few cases to know how it would perform in the real world."

Kung mapapatunayan ang pagiging epektibo nito sa mas malawak na pagsusuri sa hinaharap, maaari itong maging isa sa mga pinakamahalagang tuklas sa larangan ng neonatal medicine.

MGA SANGGUNIAN:

Dodd, A. C., Lehane, A. J., Lee, A., Hurlock, A., Su, Y., Ilahi, I., Lautz, T. B., Backman, V., & Goldstein, S. D. (2026). First-in-human pilot study of broadband optical spectroscopy (BOS) as noninvasive surveillance for necrotizing enterocolitis (NEC). Journal of Pediatric Surgery, 61(5), 162978. https://doi.org/10.1016/j.jpedsurg.2026.162978

Ginglen, J. G., & Butki, N. (2023, August 8). Necrotizing enterocolitis. StatPearls Publishing; National Center for Biotechnology Information. https://www.ncbi.nlm.nih.gov/books/NBK513357/

Goldstein, S. D., Beaulieu, R. J., Niño, D. F., Chun, Y., Banerjee, A., Sodhi, C. P., & Hackam, D. J. (2018). Early detection of necrotizing enterocolitis using broadband optical spectroscopy. Journal of Pediatric Surgery, 53(6), 1192–1196. https://doi.org/10.1016/j.jpedsurg.2018.02.083

Pierson, B. (2026, August 15). A light-based scan could detect deadly bowel disease in preterm babies. Science News. https://www.sciencenews.org/article/light-scan-deadly-bowel-disease-babies

𝗟𝗔𝗥𝗔𝗪𝗔𝗡: “Kayod para sa Pamilya: Sa kabila ng mahinang benta, patuloy sa paglalako ng gulay si Nanay Cecel upang matustusan ang pangangailangan ng kanyang pamilya matapos ang sunod-sunod na pag-ulan.” ni Glery Joy M. Alde

Inilathala ni: Beatrice Isabel Miole

Petsang inilathala: Agosto 20, 2026

Oras na inilathala: 2:26 PM

𝗣𝗔𝗡𝗜𝗧𝗜𝗞𝗔𝗡: “Ang Aking Pagluha sa Iyong Kalayaan" ni Lyn Axzel G. Ganaba

Disenyo ni: Jannah Precious Nabua

Inilathala ni: Beatrice Isabel Miole

Petsang Inilathala: August 19, 2026

Oras na Inilathala: 8:00 AM

Kategorya: Tula

Tema: Paglaban ng pag-ibig sa kabila ng lahat ng batas at hangganan.

Kung ang mundo ay hahantong sa huling hininga, 

ikaw ang magiging ningas ng pag-ibig na nagbabaga sa karimlan. 

Ngunit kung sakaling maglaho ang tuwa sa'yong mga mata, 

Pagsisisi ang magiging anino ng aking katahimikan.

Ang hindi ka ibigin ay isang bigat sa aking dibdib,

tila pagpatay sa apoy na ako mismo ang lumikha.

At ang hindi ka isipin ay isang paghihirap na paulit-ulit,

sapagkat sa bawat paghinga,

larawan mo pa rin ang sumisilip sa aking isip.

Kung gumuho man ang langit at lupa,

hindi ko hahanapin ang sarili sa gitna ng pagkawasak.

Pangalan mo ang unang lilitaw sa abo ng aking alaala,

at ang huling tinig na tatambol sa pagod kong dibdib.

At kung ang tanging paraan para mailigtas ka ay mawala ako,

yayakapin ko ang dilim nang may ngiti sa labi,

pipiliin kong lumayo upang ikaw ay manitiling buo. 

Sapagkat may kapayapaan sa ideyang malaya kang huminga, 

kahit ako ay unti-unting nalulunod sa sariling kawalan.

𝗣𝗔𝗡𝗜𝗧𝗜𝗞𝗔𝗡: “Walang Sayang Sa’kin” ni Rophe I. Castillo

Inilathala ni: Lanaia C. Paulin

Petsang Inilathala: Agosto 19, 2026

Oras na Inilathala: 6:39 AM

Kategorya: Tula

Tema: Walang masasayang na pagkakataon; lahat ng hindi napasaiyo ay sadyang hindi itinadhana para sa’yo.

Akala ko noon, ako’y nahuhuli, 

Sa bawat pagkakataong hindi mababawi. 

Ngunit habang tinatahak ang landas na mapait,

Liwanag ang sumalubong sa bawat munting saglit. 

May mga pangarap na hindi ko naabot, 

Mga dasal na hindi rin agad nasagot. 

Masakit man isipin ang sa bawat pagluha, 

Ngunit may lihim na aral ang bawat pagdapa. 

Ang mga bakas na unti-unting tinangay ng ulan, 

Ay naging tuntunin sa’kin sa tamang daan. 

Sapagkat ang para sa akin ay kusang dadating, 

Hindi kailanma’y mawawala sa aking paningin. 

Kung may pintuang sa aki’y hindi bumukas, 

Hindi iyon tanda na ako’y kapos o may butas. 

Bawat “hindi” na aking hirap na tinanggap, 

May “oo” palang dadating na higit ang yakap. 

Ngayo’y alam kong walang nasayang na panahon, 

Bawat daan ngayon ay mahinahon. 

 lahat ng hindi napasaakin ay hindi itinadhana, 

At ang para sa akin ay hahanapin akong kusa.

𝗣𝗔𝗡𝗜𝗧𝗜𝗞𝗔𝗡: “Biyaheng Kinabukasan” ni Yvonne Tolentino ‎

Disenyo ni: Courtney Joy Ocampo

Inilathala ni: Lanaia C. Paulin

Petsang Inilathala: August 18, 2026

Oras na Inilathala: 2:12 PM

Kategorya: Prosa

‎Tema: Ako at ang kinabukasan

‎

‎Mahaba ba ang pasensya ng kinabukasan para maghintay sa akin?

‎

‎Ang kinabukasan ay ang estrangherong takot akong makilala. Ang biyahe patungo sa kanya ay marahil matagal pa, ngunit ang kaba ko ay nasa karera. Ang kalsadang tatahakin ko ay hindi kongkretong daan patungo sa kanya.

‎

‎Dahil doon, puno ang aking isip. Dumadagdag ang mga bigat na dadalhin ko hanggang bukas. Takot akong matalo sa kompetisyon na ang kalaban ko ay ako. Ang mga desisyon ko sa buhay ang sumusulat ng mga bagong pahina, kaya sa bawat hakbang ay takot ang pusong lumaban.

‎

‎Sa kabila ng lahat ng iyon, pinili ko pa ring tumuloy sa biyahe. Kahit na ang kinabukasan ay patuloy na nagtatanong, “Anong plano mo?” hindi pa rin ako makaimik. Wala akong maisagot. Dahil ang sigurado lang, mabilis ang oras, ngunit mabagal ang byaheng ito.

‎

‎Ang biyahe patungo sa bukas ay nakapapagod. Sa biyaheng ito, may mga landas na hindi para sa akin na tinahak ko pa rin. Ang bawat pagkakamali ay parte ng paglalakbay kaya hindi ako maaaring magmadali. Takot akong mapag-iwanan, kahit wala naman talaga akong kalaban.

‎

‎Nang matutunan kong talikuran ang aking mga pangamba at bitawan ang mga pagkakamaling hindi ko na mabago, gumaan ang aking pakiramdam. Habang nasa byahe, hindi na ako tulad ng dati na mabilis mapagod, dahil tinanggap ko na hindi ko kailangang malunod sa mga bagay na hindi ko pa kayang bitbitin.

‎

‎Maaaring sa paglipas ng mahabang panahon ay nasa byahe pa rin ako, ngunit marami nang nagbago. Maaaring may takot pa rin sa puso ko, pero ang gulong ng sasakyan ay hindi na nahihirapan. Dahil patag na ang kalsada patungo sa estrangherong handa ko nang makilala.