Disenyo ni: Kyla Dacanay
Inilathala ni: Mardin Rheyziel Nungay
Petsang Inilathala: Nobyembre 10, 2026
Oras na Inilathala: 7:11 AM
Ang Department of Education (DepEd) ay naitalang gumagamit ng data-driven criteria bilang estratehiya upang malaman ang alokasyon ng silid-aralan ayon sa mga pangangailangan sa mga paaralan ayon kay DepEd Secretary Sonny Angara nitong Huwebes, Oktubre 22, 2026.
Sa isang pahayag ni Angara, kaniyang kinilala ang ulat ng Second Congressional Commission on Education (EDCOM2) ukol sa mga kakulangan sa alokasyon para sa mga local government units (LGU) na may tinatayang na pinakamataas na kakulangan sa silid-aralan ayon sa inisyal na alokasyon nitong 2026.
Sinabi ng DepEd na ang pagtatasa sa mga pangangailangan ng silid-aralan at napatunayang mga priyoridad sa lugar ng paaralan ay nagsisilbing batayan upang matukoy ang mga proyektong ipapatupad, kabilang na dito ang pakikipagsundo sa mga kwalipikadong LGU, alinsunod sa DepEd Memorandum Blg. 038, s. 2026.
“We share the same mission with EDCOM. Through strategic partnerships with qualified LGUs, we ensure that resources go directly to where our schools and learners need them most,” ayon kay Angara.
“Ang alokasyon natin para sa mga silid-aralan ay dapat direktang tumutugon sa mga eskwelahang pinakamatindi ang pangangailangan. Kailangan naka-base sa tunay na datos ang ating mga desisyon para bawat pisong inilalaan natin, tunay na nararamdaman sa ating mga paaralan," dagdag nito.
Patuloy na titimbangin ang kalubhaan ng mga kakulangan, kahandaan ng lugar, mga angkop na proyekto, at takdang panahon ng pagpapatupad ng alokasyon ng silid-aralan, wika ng DepEd.
Ito rin ay nagpapatupad ng isang multi-prolonged strategy sa pangunguna ng Department of Public Works and Highways (DPWH), mga pakikipagsosyo ng mga LGU, Public-Private Partnerships (PPP), DepEd Learning Continuity Spaces (LCS), at pagtutulungan sa mga organisasyon ng gobyerno at pribadong sektor.
Batay sa DepEd, ang alokasyon ay sumasaklaw sa 439 na LGU, 1,955 na paaran, at 8.777 na silid aralan sa buong bansa sa ilalim ng kasalukuyang LGU-led classroom construction initiative.
"This infrastructure rollout spans 81 provincial LGUs accounting for 4,043 classrooms across 1,022 schools, 127 city LGUs covering 3,123 classrooms across 468 schools, and 231 municipal LGUs encompassing 1,611 classrooms across 465 schools," dagdag ng DepEd.
Pumailalim din sa isang kasunduan ang DepEd kasama ang Philippine Amusement and Gaming Corporation (PAGCOR) at 48 na LGU, na nagresulta sa pagpapatayo ng mahigit 576 na silid-aralan sa mga prayoridad na komunidad.
Pahayag ng kagawaran, kinakailangan nito ng regular na pag-uulat sa pisikal at pinansyal na proseso, teknikal na beripikasyon, at mga protocol sa pagsubaybay sa antas ng dibisyon, rehiyon, at sentral na tanggapan upang mas palakasin ang katapatan at pananagutan.
“To truly deliver for our learners, we need a transparent and evidence-based approach. It is the only way to ensure that available resources are directly translated into classrooms where they are needed the most,” banggit ni Angara.
SANGGUNIAN:
K.G (2026. October 24) DepEd using data-driven criteria in determining classroom allocation — Angara, GMA News https://www.gmanetwork.com/news/topstories/nation/1006993/deped-using-data-driven-criteria-in-determining-classroom-allocation-angara/story/
