𝗡𝗘𝗪𝗦: “LOA, POSO and San Pedro Police strengthen security coordination” by Ren Abraham Canale

 

Layout by: Erelah Janika Geniza 

Published by: Julianne Faula Lugod 

Date Published: September 8, 2026 

Time Published: 8:46 AM 

 

Lyceum of Alabang (LOA) reinforced its ties with local public safety authorities through its continuing coordination with the Public Order and Safety Office (POSO) and a courtesy call from the San Pedro Component City Police Station, Laguna, on September 2, 2026.

On August 20, 2026, LOA carried out initiatives in close coordination with POSO under the leadership of PLt. Col. Cenen A. Cuaresma, PNP (Ret.). Ralph Erick Nicolas (Admin), Joven Publico Jr., and Randy Evardone Jubiar also took part in the coordination.

Further enhancing the school’s engagement with local law enforcement, PLTCOL Reynaldo N. Vitto, Chief of Police of the San Pedro Component City Police Station, Laguna, paid a courtesy call to the LOA President’s Office on September 2.

The visit provided an opportunity for the school administration and the San Pedro police leadership to establish closer communication and discuss matters related to public order and safety.

The engagement forms part of LOA’s continuing efforts to maintain coordination with local officials and foster a secure and orderly environment within the school community.

𝗡𝗘𝗪𝗦: “GPTA welcomes new set of officers” by Ren Abraham Canale

 

Layout by: Erelah Janika Geniza

Published by: Kyla Shane Recullo

Date Published: September 8, 2026

Time Published: 9:15 AM

The General Parents-Teachers Association (GPTA) of Lyceum of Alabang formally inducted its newly elected officers during an oath-taking ceremony held on September 2, 2026, at the President’s Office.

The oath-taking ceremony was led by Ms. Faith Ayap-Aquino, President and Chief Executive Officer (CEO), in the presence of former GPTA President Ms. Lea Ann Go and other school officials.

Among those in attendance were Dr. Ma. Cristina Frago, Elementary Principal; Mrs. Christine Cervantes, Junior High School Vice Principal; Ms. Frencee Ann Rivera, Grade 11 Vice Principal; Ms. Virginia Santos, Grade 12 Vice Principal; and Dr. Rodrigo Calapan, High School Principal.

Ms. Reginalyn Dela Peña took her oath as GPTA President, joined by Ms. Mona Liza Cordero as Vice President and Ms. Monica Dimaano as Secretary.

Other affirmed officers were Ms. Audry Pabilando as Elementary Treasurer, Ms. Elsie Ducusin as Junior High School Treasurer, Ms. Raquel Cordova as Elementary Auditor, Ms. Therese Makalintal as Junior High School Auditor, and Mr. Gerald Past as Senior High School Auditor.

The association also ushers in Ms. Maricel Tablante as Elementary Business Manager and Ms. Desiree Pacamara as Junior High School Business Manager. Meanwhile, Ms. Ma. Elisa Nicolas, Mr. Don Jon Baclaan, and Ms. Ellen Bayla proclaimed the Public Information Officer (PIO) positions for Elementary, Junior High School, and Senior High School, respectively.

The newly appointed officers formally accepted their duties and responsibilities after taking their oath of office, signifying the beginning of their service to the school community.

The ceremony concluded with the school administration congratulating the new GPTA leadership and reaffirming its support and cooperation as the officers begin their new term.

𝗦𝗣𝗢𝗥𝗧𝗦 𝗡𝗘𝗪𝗦: "Fernandez bids PH first skate gold; Guimba, Zurbito clinch silver and bronze" by Macky Louize Sablaon

Layout by: Monique Baban

Published by: Kyla Shane Recullo

Date Published: September 7, 2026

Time Published: 11:12 AM

There is Gold in the Freezing Cold.

 

In the thrilling display of skill and prowess, skating prodigy Keirsten Fernandez outshone everyone as she made history for Philippine skating, clinching 1st ever gold on Asian Open Short Track Skating at Himadri Ice Rink in India last August 18, 2026.

 

Fernandez conquered the Juniors C Girls 1000-meter category to pull off a stellar 1:44.307, topping the podium and surpassing Indonesia's Matsuri Kinasih, 1:44.635 in second place while Hong Kong's Jacey Yeung placed third in 1:45.727.

 

The prodigy also captured gold at the 777-meter category, commanding the ice rink at 1:19.989 to complete a golden double.

 

Fernandez's triumph marked a major milestone for Philippines' winter arsenal, etching her legacy as the first-ever filipina achieve a two-gold slate in skating history.

 

The Philippine roster also added a silver through Xsandrie Guimba in the Senior Women’s 1,000-meter event and bronze for Zymone Zurbito in the Juniors Boys 333-meter to complete Philippines' four medal haul.

 

23-year-old Xsandrie Guimba registered 1:52.003, behind Thailand’s Thanutchaya Chatthaisong, who captured the gold in 1:45.602 ,while China’s Yuchen Liu settled for the bronze medal with a time of 1:53.031.

 

Eight-year-old Zymone Zurbito then secured bronze medal in the Junior F boys’ 333-meter event.

 

Guimba and Zurbito further strengthened the Philippines' skating bid, with their silver and bronze finishes adding to the country’s medal tally, highlighting the rising talent of Filipino skaters on the Asian stage.

 

REFERENCES:

Caluag, R.  (2026, August 26). PH skaters make history at Asian meet. Manila Standard. https://manilastandard.net/sports/active/314783991/ph-skaters-make-history-at-asian-meet.html

 

Montejo, M. R. (2026, August 19). Keirsten Fernandez makes skating history, wins PH's first-ever gold in Asian. Manila Bulletin. https://mb.com.ph/2026/08/19/keirsten-fernandez-makes-skating-history-wins-phs-first-ever-gold-in-asian-open

𝗘𝗗𝗜𝗧𝗢𝗥𝗬𝗔𝗟: "SEE-guridad sa Bag, Sapat na Ba?"

Inilathala ni: Kyla Shane Recullo

Petsang Inilathala: Setyembre 7, 2026

Oras na Inilathala: 8:00 AM

Sa paaralang puno ng pangarap, kailangan bang maging malinaw pati narin ang laman ng bag upang maging ligtas ang bawat isa?

 

Sa patuloy na pagtaas ng mga usapin tungkol sa seguridad sa mga paaralan, isinusulong ng ilang paaralan ang paggamit ng transparent o see-through bags upang mas mapadali ang inspeksyon sa mga dala ng mga mag-aaral. Sa Cebu, kabilang ito sa mga hakbang na pinag-aaralan upang mapalakas ang seguridad sa loob ng campus. Gayunpaman, kasabay ng layuning ito ang tanong: Sapat ba ang transparent bag upang masabing ligtas na ang mga estudyante?

 

Tunay ngang makakatulong ang transparent bag sa seguridad, ngunit hindi ito dapat ituring na pangunahing solusyon sa problema ng school safety. Ang tunay na kaligtasan ay hindi lamang nakikita sa laman ng bag, kundi sa maayos at komprehensibong sistema ng seguridad ng paaralan.

 

Ang paggamit ng transparent bags ay isinasaalang-alang dahil mas madali para sa mga guwardiya at awtoridad na makita ang laman ng bag nang hindi na kinakailangang magsagawa ng mas matagal na inspeksyon. Layunin nitong makatulong sa pagtukoy ng mga bagay na maaaring magdulot ng panganib sa loob ng paaralan.

 

Hindi maikakaila na may pakinabang ang ganitong paraan. Ngunit kung transparent lamang ang bag, hindi ibig sabihin ay awtomatiko nang transparent ang lahat ng banta. Ang isang malinaw na bag ay maaaring magpakita ng gamit, ngunit hindi nito kayang ipakita ang lahat ng problemang maaaring kinakaharap ng isang estudyante.

 

Bukod sa transparent bags, kabilang din sa mga maaaring hakbang sa pagpapalakas ng seguridad ang paggamit ng metal detectors, CCTV cameras, dagdag na security personnel, emergency drills, at iba pang safety protocols. Ipinapakita nitong hindi iisang hakbang lamang ang kailangan upang mapanatiling ligtas ang campus.

 

Dito dapat maging mas maingat ang mga paaralan. Ang transparent bag ay dapat dagdag na pananggalang, hindi kapalit ng mas maayos na security system. Kailangang tiyaking sapat ang bilang at pagsasanay ng security personnel, gumagana ang mga safety protocol, at alam ng bawat estudyante kung ano ang dapat gawin kapag may emergency.

 

Mayroon ding usapin sa gastos. Hindi lahat ng pamilya ay kayang agad bumili ng bagong bag, lalo na kung mayroon pa silang gamit na maayos at ligtas gamitin. Kaya mahalagang isaalang-alang ng mga paaralan ang kakayahan ng mga mag-aaral at kanilang pamilya bago gawing mandatory ang naturang polisiya. Ang seguridad ay responsibilidad ng buong komunidad, hindi lamang ng estudyante. Kung ipatutupad ang transparent bag policy, dapat itong gawin nang patas at may sapat na konsiderasyon. Hindi dapat maging sukatan ng pagiging responsable ng isang estudyante ang kakayahan niyang bumili ng bagong bag.

 

Ang transparent bag ay maaaring maging isang hakbang tungo sa mas ligtas na paaralan, ngunit hindi ito ang kabuuan ng solusyon. Sa halip na umasa sa isang malinaw na bag, kailangang bumuo ng mas malinaw na sistema—isang sistemang may sapat na seguridad, maayos na pagpapatupad, at malasakit sa bawat mag-aaral.

 

Kung kaligtasan ang layunin, gawin itong responsibilidad ng lahat. Makilahok, makinig, at makipagtulungan ang mga estudyante, guro, magulang, at administrasyon sa pagbuo ng mga patakarang tunay na nagpoprotekta. Sapagkat ang isang ligtas na paaralan ay hindi lamang paaralang nakikita ang laman ng bag—ito ay paaralang nakikita, naririnig, at pinahahalagahan ang bawat mag-aaral.

 

MGA SANGGUNIAN:

Baltasar, C. (2026, August 24). PH schools push for use of transparent bags on campus for easier inspection. PhilSTAR Life. https://philstarlife.com/news-and-views/781516-ph-schools-push-for-use-of-transparent-bags-campus-easier-inspection

 

Cardova, C. (2026, August 26). Use of see-through bags among measures being considered to ensure safety in Cebu schools. Manila Bulletin. https://mb.com.ph/2026/08/26/use-of-see-through-bags-among-measures-being-considered-to-ensure-safety-in-cebu-schools?utm_source

 

De Dios, K. (2026, August 26). Mandaue DepEd open to use of transparent bags. The Freeman. The Freeman. https://www.philstar.com/the-freeman/cebu-news/2026/08/26/2551881/mandaue-deped-open-use-transparent-bags

𝗞𝗢𝗟𝗨𝗠: “kUPit na Pangarap: Sino ang Tunay na Iskolar ng Bayan?” ni Ren Abraham Canale

Inilathala ni: Jannah Pauline Beldad

Petsang Inilathala: Setyembre 07, 2026

Oras na Inilathala: 7:53 AM

Para sa masa ka pa ba, UP?

Sa bansang ang edukasyon ay madalas itinuturing na hagdan palabas ng kahirapan, ang isang puwesto sa Unibersidad ng Pilipinas (UP) ay higit pa sa pangalan sa isang admission list. Para sa ilan, isa itong pagkakataong makakuha ng de-kalidad na edukasyon nang hindi kailangang pasanin ng pamilya ang halaga ng pribadong unibersidad.

Ngunit sa kompetisyong kakaunti lamang ang puwesto at hindi maiiwasang itanong na pareho ba talaga ang pagkakataong mayroon ang bawat aplikante bago pa man magsimula ang pagsusulit?

May estudyanteng may kakayahang magbayad para sa review center, pribadong tutor, learning materials, at maayos na lugar para mag-aral. Mayroon namang sariling sipag at libreng resources lamang ang maaasahan.

Pareho silang maaaring matalino. Pareho silang maaaring masipag. Pareho silang maaaring karapat-dapat. Ngunit hindi pareho ang kanilang paghahanda.

Hindi ito simpleng usapin ng mayaman laban sa mahirap. Sa pag-aaral nina Daway-Ducanes, Pernia, at Ramos (2022), sinuri ang mahigit 664,000 aplikasyon sa UP mula 2006 hanggang 2015. Natuklasan ng mga mananaliksik ang tinatawag na “income advantage” sa admissions: mas mataas ang posibilidad na matanggap ang mga aplikanteng mula sa mas maykayang sambahayan kaysa sa mga kabilang sa pinakamababang income classification, kahit isinasaalang-alang ang academic performance at iba pang salik.

Hindi ibig sabihin nito na pera lamang ang batayan ng admission. Ngunit hindi rin dapat balewalain ang ipinahihiwatig ng datos. Sapagkat ang laban para sa UP ay hindi nagsisimula sa araw ng pagsusulit. Nagsisimula ito sa paaralang pinapasukan, kalidad ng edukasyon, access sa learning materials, internet, oras, at kakayahang maghanda.

Dito nagiging komplikado ang salitang 'burgis'. Hindi kasalanan ng isang estudyante ang pagiging mayaman. Hindi niya pinili kung saang pamilya siya ipinanganak, at hindi rin awtomatikong nangangahulugang wala siyang karapatang makapasok sa UP. May karapatan din siyang mangarap. Ngunit hindi rin dapat gawing invisible ang pribilehiyo.

Ang pagkakaroon nito ay hindi nangangahulugang awtomatikong panalo. Nangangahulugan lamang itong may mga oportunidad na maaaring samantalahin ng ilan na hindi kayang abutin ng iba.

Para sa isang maykayang pamilya, maaaring may ibang unibersidad o programang maaaring pagpilian kapag hindi nakapasok sa UP. Ngunit para sa isang pamilyang kapos sa pera, maaaring mas kaunti ang alternatibong abot-kamay. Hindi dahil mas karapat-dapat ang mahirap. Kundi dahil mas kaunti ang pintuang bukas para sa kaniya.

Ito ang madalas na nakakalimutan sa usapin ng meritocracy. Ito ang madalas na nakakalimutan sa paniniwalang sapat nang pareho ang pamantayan para maging patas ang laban. Na para bang pareho lang ang finish line, kaya patas na ang karera. Ngunit paano kung ang ilan ay nagsimula nang may sapatos, samantalang ang iba ay kailangang tumakbo nang nakapaa?

Hindi nito binubura ang sipag at talino ng mga estudyanteng mula sa maykayang pamilya. Ngunit hindi rin dapat ikubli ng salitang “merit” ang mga pribilehiyong tumulong mabuo ang merit na iyon.

Mismong Republic Act No. 9500, o UP Charter, ay nagtatakda ng prinsipyo ng democratic access at nag-aatas sa UP na gumawa ng affirmative steps upang mapalawak ang access ng disadvantaged students. Ayon din sa UP, isinasaalang-alang sa admissions ang iba’t ibang salik upang mapagsabay ang excellence at equity, kabilang ang academic performance, socioeconomic status, uri ng high school, at geographic location.

Kaya hindi makatarungang sabihing walang ginagawa ang UP. Ngunit sapat na ba ang ginagawa? Kung may pananaliksik nang nagpapakitang may income advantage sa admissions, hindi ba nararapat lamang na patuloy na tanungin kung epektibo ang mga hakbang na ito sa tunay na buhay?

Dahil ang isang sistema ay hindi nagiging patas dahil lamang sa patas ang nakasulat na panuntunan. Nagiging patas ito kapag ang mga taong nagsisimula sa magkakaibang kondisyon ay nabibigyan ng tunay na pagkakataong makipagsabayan.

Hindi kailangang ibigay ang slot sa mahirap dahil mahirap siya. Hindi rin kailangang alisin ang maykayang estudyante sa UP.

Ang kailangang hamunin ay ang sistemang nagpapahintulot na ang pribilehiyo ay maging dagdag na bentahe sa isang kompetisyong may limitadong puwesto. Dahil sa huli, ang isang slot sa UP ay hindi lamang isang upuan.

Para sa isang kabataang kapos sa pera, maaari itong maging tulay tungo sa edukasyong hindi kayang bilhin ng pamilya. Maaari itong maging pagkakataong baguhin hindi lamang ang sariling kinabukasan, kundi pati ang direksiyon ng isang pamilya.

Hindi kasalanan ng mayaman ang pagiging mayaman. Pero hindi rin kasalanan ng mahirap ang magsimulang kapos. Kaya balik tayo sa tanong na “Para sa masa ka pa ba, UP?”

Kung oo, hindi sapat na bukas ang pinto. Dapat tiyaking ang mga walang kakayahang bumili ng mas magandang paghahanda ay may tunay na pagkakataon pa ring makarating dito.

Dahil ang pagiging Iskolar ng Bayan ay hindi lamang tungkol sa kung sino ang nakapasok. Tungkol din ito sa kung sino ang nabigyan ng patas na pagkakataong makapasok.

 

MGA SANGGUNIAN:

Daway-Ducanes, S. L. S., Pernia, E. E., & Ramos, V. J. R. (2022). On the “income advantage” in course choices and admissions: Evidence from the University of the Philippines. International Journal of Educational Development, 91, 102578. https://doi.org/10.1016/j.ijedudev.2022.102578

Republic of the Philippines. (2008). Republic Act No. 9500: An act to strengthen the University of the Philippines as the national university. Lawphil. https://lawphil.net/statutes/repacts/ra2008/ra_9500_2008.html

University of the Philippines. (2022, August 31). UP explains the current admissions system. https://up.edu.ph/up-explains-the-current-admissions-system/

Villanueva, M. (2024, September 16). Is UP fulfilling its mandate? Inquirer.net. https://opinion.inquirer.net/176845/is-up-fulfilling-its-mandate

𝗟𝗜𝗕𝗔𝗡𝗚𝗔𝗡: “Hollywood Walk of Fame, Pararangalan si Lea Salonga” ni John Resty Merano

Disenyo ni: Summer Maggay

Inilathala ni: Beatrice Isabel Miole

Petsang Inilathala: Setyembre 7, 2026

Oras na Inilatala: 7:18 AM

Makatatanggap si Lea Salonga ng bituin sa Hollywood Walk of Fame sa Setyembre 4 sa Hollywood Boulevard, Los Angeles, California, bilang unang Pilipinong makatatanggap ng naturang pagkilala. 

Makukuha ni Salonga ang ika-2,855 na bituin sa kategoryang Live Performance sa seremonyang gaganapin alas-11:30 ng umaga sa Pacific Time sa harap ng Pantages Theatre. 

Pangungunahan ni Emmy Award-winning sports and entertainment journalist Sibley Scoles ang seremonya, habang magsisilbing panauhing tagapagsalita si Ming-Na Wen, ang aktres na gumanap bilang tinig ni Mulan sa pelikulang Mulan noong 1998. 

Ayon kay Ana Martinez, producer ng Hollywood Walk of Fame, kinikilala ng parangal ang pambihirang talento at ilang dekadang karera ni Salonga na nakaabot sa mga manonood sa iba’t ibang panig ng mundo. 

Nakilala si Salonga sa buong mundo matapos niyang gampanan ang papel ni Kim sa musikal na Miss Saigon, kung saan napanalunan niya ang Tony Award. Naging unang Asian actress din siya na gumanap bilang Éponine sa Broadway production ng Les Misérables at kalaunan ay ginampanan si Fantine sa 2006 revival nito. 

Bukod sa teatro, naging singing voice ni Salonga sina Princess Jasmine sa Aladdin at Fa Mulan sa Mulan at Mulan II. Dahil sa kaniyang ambag sa Disney, kinilala siya bilang Disney Legend noong 2011. 

Sa loob ng 45 taon, nakapagtanghal si Salonga sa iba’t ibang bahagi ng mundo at sa harap ng mga pinuno ng Pilipinas, Estados Unidos, at mga miyembro ng British royal family. 

Kasunod ng seremonya, tatanggap din si Salonga ng Icon Award sa ikatlong taunang Manila International Film Festival Closing Night Awards Gala sa Beverly Hilton sa Beverly Hills sa Setyembre 6. 

MGA SANGGUNIAN:

D'Amato, L. (2026, August 24). Lea Salonga to receive a star on the Hollywood Walk of Fame. Broadway News. https://share.google/m4YoDkE2bJnZMOk1C

De Guzman, A. (2026, August 23). Lea Salonga to be honored with Hollywood Walk of Fame star in September. ABS-CBN News. https://share.google/yY38McnhiyFsefWzY

Evangelista, J. A. (2026, August 24). Lea Salonga to receive her Hollywood Walk of Fame star in September. Inquirer.Net. https://share.google/DfQ5UQavA5mtHzqA3

Tunac, H. J. (2026, August 23). Lea Salonga scheduled to receive Hollywood Walk of Fame star in September. GMA News Online. https://share.google/t9UZ4rL67DDEfVQD4

𝗗𝗜𝗕𝗨𝗛𝗢: “Buwis Mo, Luho ng Deprabado" ni Riyan Quitollo

Inilathala ni: Julianne Faula Lugod 

Petsang Inilathala: Setyembre 7, 2026

Oras na Inilathala: 7:06 AM