Nakagawain na nating mga Pilipino ang pagdiriwang ng iba't ibang piyesta bilang pag-alala sa mga pinagmamalaki ng ating bansa. At dahil nalalapit na ang ikatlong linggo ng Enero ay muli na namang idaraos ang pista ng Ati-Atihan.
Ang Ati-Atihan festival ay isang pista sa Pilipinas na ginaganap taon-taon ng Enero bilang parangal sa Santo Niño sa ilang bayan ng lalawigan ng Aklan, Panay Island. Ang pinakamalaking selebrasyon ay ginaganap tuwing ikatlong linggo ng Enero sa bayan ng Kalibo, ang kabisera ng lalawigan. Ito rin ay idinaraos upang gunitain ang isang kasunduan sa kapayapaan sa pagitan ng dalawang naglalabanang tribo noong 1210.
Ang pagdiriwang ay binubuo ng mga relihiyosong prusisyon at mga parada sa kalye, na nagpapakita ng mga may temang float, pagsasayaw na may makukulay na kasuotan, marching band, at mga taong may pintura sa mukha at katawan. Kilala rin ang piyestang ito bilang Ina ng Lahat ng Pista sa Pilipinas dahil sa mahigit walong daang taong gulang na ito, at nag-ugat ito sa isang paganong ritwal .
Ang pangalan ng pagdiriwang ay literal na isinalin sa "to be like Atis," na isang sanggunian sa mga Aeta na unang naninirahan sa isla ng Panay. Sinasabi na ang pinakamahusay na paraan upang tamasahin ang Ati-Atihan Festival ay para palayain ang iyong espiritu, bitawan ang iyong mga kinatatakutan, at sumayaw na lang sa kumpas at sumigaw ng "hala bira purya pasma" na isang Aklanon na parirala na nangangahulugang ibuhos o ibigay ang lahat ng paraan kay Señor Santo Niño.
Source: Inquirer
Published by: Lloyd Agbulos
Date published: January 18, 2021
Time published: 10:13 AM
No comments:
Post a Comment