Published by: Lloyd Agbulos
Date published: May 08, 2022
Time published: 3:57 PM
Kategorya: Tula
Tema: isang tulang alay para sa mga ina
Buod: Sa araw ng mga ina na atin na ngayon ipinagdidiwang, isang tula ang aming handog para sa araw na ito, isinasalaysay sa tulang ito ang pag hihirap at sakripisyo ng bawat ina na handang gawin para sakanilang pamilya't anak.
Magsimula tayo sa umpisa,
Kung paano mo ako kinarga.
Gabi gabing nag iingay
Hawak mo'y magaan at malumanay.
Salamat sa pagtuturo,
Kung anong tama at mali
Madami ang kasalanan
Madami ring pagkakamali
Ngunit ina, hindi ka napagod umintindi
Kahit pagod na pagod, ika'y ngingiti
Makita mo lang na masaya kami
Kahit ika'y nahihirapan sa araw at gabi.
Lagi mong tandaan andito lang kami
Laging susuporta sa iyong tabi
Hindi ka iiwan laging aalalayan
Pahinga ka muna aming ilaw ng tahanan
Hindi sapat ang bawat salita
Para magpasalamat sayo
Labis pa sa labis ang iyong nagawa
Salamat sa iyong pag unawa.
Mama, nanay, mommy, o kung ano man ang itawag
Ngunit maraming sakripisyo para sa pamilya
Ngingiti kahit na pagod na
Kakayanin kahit ubos na ubos na
Ako'y nagpapasalamat sa iyo
Kung wala ka ay wala din ako
Kahit anong mangyari ay wag mong kalimutan
Laging sasambitin mahal ka namin aming tahanan.
No comments:
Post a Comment