Published by: Aliyah Margareth Imbat
Date Published: February 14, 2023
Time Published: 11:55 AM
Kategorya: Tula
Tema: Hiwagang dulot ng malinis na intensyon pag dating sa pag-ibig o usaping pagmamahal.
Libo-libong pyesa ang nabasa sa mahabang dekada.
Ewan kung ba’t wala pa ring ideya’t tila nagdududa.
Yanig ng dibdib aking nadama, sa hiwaga na iyong dala.
Aaminin ko, araw-araw kalagayan mo aking inaalala.
“Naka uwi ka na ba?” ang laging tanong pag tapos ng ating pagkikita.
“Naka kain ka na ba?” ang laging tanong t’wing malayo’t 'di nagkikita.
Ewan ko ba’t tila mahiwaga’t paraisong dumuduyan.
𝘑𝘢𝘮𝘮𝘪𝘯𝘨 ang libangan at pasilyo ang tugtugan.
Ewan ko ba kung tunay ang nararanasan.
Nananaginip lang ba’t natutulog sa pansitan?
Nais kong malaman ang wastong kasagutan.
Ano ba ang tunay na dapat kong paniwalaan?
Kailangan kong malinawan sa mga kaganapan.
Ano ba ang motibo ng ‘yong nararamdaman?
Rinig ng aking puso ang kalinisan ng pakay.
Inaagaw ng isipan na s’ya ring gumagabay.
Nararapat ba na sundin ang puso higit sa isipan?
Gumising akong may wastong kasagutan.
Aaminin ko, puso ang matimbang laban sa isipan.
Ligaya ko na ito’y matuklasan—
Maligayang pusong nagmamahalan.
No comments:
Post a Comment