𝗕𝗔𝗟𝗜𝗧𝗔𝗡𝗚 𝗜𝗦𝗣𝗢𝗥𝗧𝗦: "Beermen, inuwi ang kampeonato matapos ungusan ang Magnolia sa PBA Finals Game 6" by Sophia Cassandra Durado

Inilithala ni: Ayanna Jeane Salmorin

Petsang Inilithala February 16, 2024

Oras na Inilithala: 7:13 AM

Umarangkada ang San Miguel Beermen sa isang dikit na laban kontra Magnolia Chicken Timplados Hotshots upang masungkit ang kanilang ika-29 na kampeonato, 104-102 sa PBA Commisioners Cup Finals Game 6 na ginanap sa Smart Araneta Coliseum, kahapon.

Pinasiklaban ni Finals MVP Cj Perez mula sa Beermen ang Hotshots matapos nitong mag-ambag ng 28 na puntos na naging hudyat sa pagbaliktad ng laban.

Namayani si Perez at nagbigay ng 24-9 run upang putulin ang kalamangan ng Magnolia na 90-79 sa huling walong minuto ng laban.

Nagpaulan nang sunod-sunod na tatlong puntos si Jericho Cruz ng Beermen sa huling dalawang minuto ng laro na nagdikit sa laban sa 98-97.

“It feels great. Everybody worked hard for his from the coaches to the staff to the PTs, and especially the players. They didn’t give up,” saad ni San Miguel Coach Jorge Gallent.

Namayagpag sa kabilang kuponan si Paul Lee na nagpakawala ng 25 puntos na nag bigay kalamangan sa Magnolia sa loob ng tatlong kanto.

Sinilat ng San Miguel ang abante sa huling isang minuto ng laban matapos tumira ng tatlong puntos ni Chris Ross at nagresulta sa kalamangan na 100-99.

Pinangalagaan nina Magnolia veterans Paul Lee at Mark Barocca ang kanilang kalamangan sa second-half at tinapos ang pangatlong kanto na may kalamangang siyam na puntos.

Nagpalitan ng free-throw shots ang dalawang kuponan sa huling mga segundo ng laban upang pigilan ang paglaki ng puntos ng dalawang panig.

Nakamit muli ng Magnolia ang runner-up, ang kanilang ikaapat na runner-up trophy sa ilalim ng pamumuno ni Coach Chito Victolero.

SANGGUNIAN: 

Ventura, S. (2024, February 14). San Miguel Beermen clinch PBA Season 48 Commissioner’s Cup title - ESPN. ESPN.com. https://www.espn.ph/basketball/pba/story/_/id/39524162/san-miguel-beermen-clinch-pba-season-48-commissioner-cup-title

Terrado, J. (2024, February 15). PBA: San Miguel rallies past Magnolia in Game 6 to win latest title. INQUIRER.net. https://sports.inquirer.net/552175/san-miguel-rallies-past-magnolia-in-game-6-to-clinch-latest-pba-title