𝗣𝗔𝗡𝗜𝗧𝗜𝗞𝗔𝗡: "Sana'y iyong mapansin" ni Xuxa Angelu Eñosa

Inilathala ni: Daniel Joshua Madrid 

Petsang Inilathala: Pebrero 29, 2024

Oras na Inilathala: 2:45 PM

Kategorya: Tula

Tema: Paghanga na sana'y mapansin 

kahit nasa malayo;

natatanaw ka ng malabong mata ko.

imahinasyong nabuo,

na mapapansin mo rin

ang isang kagaya ko. 

sa likod ng kuwaderno,

nakasulat ang pangalan mo.

beshy, padaan na ang crush ko,

itulak mo ako—

kunwari'y sinadya mo. 

ang limang segundong pagtitig mo,

halos isipin ko...

na gusto mo rin ako.

ano bang panaginip ito? 

ilang papansin pa ba ang kailangan

upang mapansin ang aking nararamdaman?

dahil ang paghangang naramdaman,

umaasang ito'y iyong masuklian.

Disenyo ni Jessie Claire Gozun