𝗣𝗔𝗡𝗜𝗧𝗜𝗞𝗔𝗡: “Ang Iyong Paglisan” ni Ace Erasmus Yambot

 

Disenyo ni: Misha Mikylla Sanchez

Inilathala ni: Lean Miguel Tizon

Petsang Inilathala: March 18, 2024

Oras na Inilathala: 12:20 PM

Kategorya: Tula

Tema: Bangungot sa bawat gabi

Hindi ko alam—

kung bakit pa rin ako

patuloy na umaasa sa posibilidad

na ika’y babalik muli sa aking mga bisig.

Hindi ko kayang bitiwan ang ating nakaraan

na iyong ipinangakong hindi

mawawasak kailanman.

Sapagkat ito ay aking pinanghawakan

at nakaangkla pa rin sa aking puso’t isipan.

Sa tuwing sinusulyapan ko ang iyong mga mata,

alam kong wala ng pagmamahal na natitira

Marahil ay mayroon ng ibang

nananahan sa iyong kanlungan.

Sa bawat araw na lumilipas,

Mas lalong nagiging mahirap

na tiisin ang mga tanong na patuloy

na gumugulo sa bawat pagtulog.

Dinurog mo ang aking puso

at ang aking kaluluwa.

Kay hirap nang buoin muli,

ang aking nagpira-pirasong puso.

Hindi ko na kayang mabuhay pa

nang hindi ka kasama.

“Pa’no pa ako makakausad palayo

Kung sa ating nakaraan hindi ako makabitaw.” [1]

SANGGUNIAN:

[1]. 420 Soldierz. (2015, April 19). Salamin. 𝘠𝘰𝘶𝘛𝘶𝘣𝘦. https://m.youtube.com/watch?v=nldG8f4cuW4...