Disenyo ni: Princess Almira Reyes
Inilathala ni: Ellen Clare Carballo
Petsang Inilathala: Mayo 13, 2024
Oras na Inilathala: 3:45 PM
Kategorya: Tula
Tema: Pagkatapos ng nasirang pagmamahalan
Kailan nagsimulang maging basura
Ang dating bagay na mahalaga?
Paano naging kulang ang sobra
At ang dating buo ay nawasak at nasira?
Ang himig na nagbibigay noon ng saya—
Ngayon ay nakakawala na ng sigla,
Ang iyong halimuyak na nagpapahiwatig ng pag aari at pagsinta—
Ngayo'y nakakapagbigay na ng hilo at panghihina
Ang iyong pagsuyo sakin ang naghatid sa kalaliman,
Ngunit sa halip na malunod, ako'y natutong sumisid.
Ang matutuhang lumayo paaalis sayo ang pinakamaganda at pinakamasakit na pagsalba ko sa sarili,
Upang ang paglunas sa sarili ay mapaglaanan
Marahil ganito talaga ang kahihinatnan—
Lalo na at alam kong hindi ka naging akin kailanman
Masyado akong nagpa-alwan sa iyong tabi,
Na hindi ko namalayang aalis ka rin sa aking panig nang walang pasintabi
No comments:
Post a Comment