𝗣𝗔𝗡𝗜𝗧𝗜𝗞𝗔𝗡: ''Sino ang Tunay na Nagmamalasakit sa Bayan?'' ni Francis Mesa

Disenyo ni: Chellesie Cataquian
Inilathala ni: Jielian Lobete
Petsang Inilathala: Oktubre 9, 2024 
Oras na Inilathala: 5:16 PM

Kategorya: Tula
Tema: Pamumuno; seryoso hindi laro.

Sino ang tunay na nagmamalasakit sa bayan,

Kapag ang lahat ay tila eksena ng libangan?

Mga tumatakbong mukha, walang kaalam-alam,

Pangako’y magaganda, ngunit saan ang tunay na laman?

Sino ang tunay na nakikinig sa ating daing?

Sa mga pangako ng pagbabago, sino ang may tunay na layunin?

Kailan natin mapapansin, ang ating hinaharap ay nasa ating kamay, hindi sa kanilang masayang galawan?

Isang laro ng salapi, ng kapangyarihang gawa sa kawalan.

Sino ang magbabayad sa kanilang mga kalokohan?

Tandaan, hindi lahat ng kumikilos ay may pakialam.

Ang mga walang kakayahan, huwag gawing huwaran.