𝗕𝗔𝗟𝗜𝗧𝗔:"2 Milyong halaga ng 'Party Drugs' nasamsam sa Drug Raid Operation" ni Veronica Tabuac

Inilathala ni: Kristine Joyce Soriano

Petsang Inilathala: Nobyembre 25, 2024

Oras na Inilathala: 7:22 AM

Tinatayang ₱2.056 milyong halaga ng hinihinalang iba't ibang uri ng party drugs ang nakalap sa isinagawang drug raid operation ng Parañaque City Police Station sa Greenhights Avenue Barangay San Dionisio noong ika-7 ng Nobyembre 2024.

Kinilala ni Southern Police District (SPD) director Brig. Gen. Bernard Yang ang suspek na si alyas "Kylie" na hinihinalang nagbebenta ng mga matataas na halaga ng droga.

“Tuloy-tuloy ang agresibong kampanya laban sa ilegal na pagpapalitan ng droga. Desidido ang SPD na itigil ang banta ng droga sa Southern Metro Manila,” ani ni Yang.

Nakuha ang 141 gramo ng cocaine na may halagang ₱747,300, 153 gramo ng ketamine na droga na may halagang ₱765,000, 274 gramo ng kush na may halaga namang ₱132,600, at iba pang droga sa gitna ng operasyon.

May nakalap ding ₱1,000 at ₱64,000 na halaga ng nakataling pera na ginamit sa mga transaksyon.

Ang mga natagpuang droga ay isinumite sa ilalim ng SPD forensic unit upang doon imbestigahan.

Samantala, arestado ang naturang suspek at nahaharap sa kasong pagsuway sa Republic Act 9165, o ang Comprehensive Dangerous Drugs Act ng 2002.

MGA SANGGUNIAN:

[1] Boton, C. (2024, November) P2 million party drugs seized in Parañaque sting operation. Philstar.com. https://www.philstar.com/.../p2-million-party-drugs...

[2] P2-M ‘party drugs’ seized in Parañaque. (n.d.). Philippine News Agency. https://www.pna.gov.ph/articles/1237380

[3] P2-M worth of assorted party drugs seized in Parañaque buy-bust ops. (n.d.). Manila Bulletin. https://mb.com.ph/.../p2-m-worth-of-assorted-party-drugs...