𝗣𝗔𝗡𝗜𝗧𝗜𝗞𝗔𝗡: "Ang huling leksyon ay tungkol sa buhay" ni Harold Matthew B. Caminto

 

Inilathala ni: Jean Ashley Lugod 

Petsang Inilathala: Pebrero 19, 2025 

Oras na Inilathala: 11:21 AM 

Kategorya: Tula

Tema: Ang pagtatapos ng taong eto para sa mga mag-aaral

Nakabalot sa dilim ang katahimikan,

At ramdam ang natitirang simoy ng hangin,

dama ang himig ng katapusan,

Para sa natitirang samahan natin.

Ang tahanan ng huling ala-ala,

Ang tanging paalala na ang panahon ay walang kinikilala,

Dito'y makukulong lahat—

sa huling silid at mga silya.

Ang hantungan ng ating huling sayaw,

Kung saan magiging memorya na lamang balang araw,

Ang kongklusyong maaaring madalaw,

isang koleksyon para sa nostalhiyang aapaw.