-
Kategorya: Tula
Tema: Pagtatapos
Sinopsis: Buksan ang panibagong pintuan
Gamit ang susi ng karunungan
-
Ating balikan ang simula ng eskwela
Bagong guro't kaibigan na napakakwela
Gurong minsa'y nauubos na ang pasensya
Sa mga estudyanteng kasing ingay ng lata
Pagsusulit na kay hirap sagutan
Mga Leksyong tinuturo'y nalilimutan
O di kaya'y kagrupong hirap pakiusapan
Ang alalalang babaunin para sa kinabukasan
Sa inyong pagbubukas ng panibagong pintuan
Gawin sanang inspirasyon ang mga karanasan
Iyak at pagod ay gawing kalakasan
Para sa pangarap na pinipilit makamtan
Ang toga't diplomang resulta ng kasipagan
Ngiting dadalhin sa bagong pagdaraanan
Pagsusumikap at kahusayan ay gawing hagdan
Upang mas maabot ang tuktok ng kaligayahan
-
Published by: Julianne Andrei Batiao
Date published: June 7, 2022
Time published: 12:58 pm
No comments:
Post a Comment