Published by: Akira Joy Gabion
Date Published: September 18, 2023
Time Published: 10:03 AM
Kategorya: Tula
Tema: Kawalan ng kalayaan at kaligtasan
Hindi natin maikakaila
na milyong inosenteng tao na
ang mga nawala nang parang bula.
At ang ilan naman ay natagpuan nang walang buhay.
Kung kaya’t nararapat nating isabuhay
ang lahat ng katotohanan—
Dahil hindi ito isang pag-aalsa,
kundi isang pagbibigay impormasyon sa masa.
Pati na rin ang mga katiwalian
at kamalian ay nararapat nating malaman.
Hindi rin ito isang uri ng kamalian,
sapagkat ito ang nagpupunan
ng ating mga pagkukulang sa kaalaman,
at isipan—
na ating magagamit
upang ating makamit
ang kaunlaran at kapayapaan.
Hanggang ngayon
ay inaasam pa rin ng karamihan.
No comments:
Post a Comment