Inilathala ni: Ayanna Jeane Salmorin
Petsa Inilathala: Mayo 06, 2024
Oras na Inilathala: 8:21 AM
Kategorya: Tula
Tema: Pakikiisa sa pagbabasura ng 'puv' modernisasyon
Sa bawat pagtakbo,
sa bawat paghagod ng gulong,
minsan nang naisigaw kasabay ng hangin,
''Mama, Para!''
Sa bawat sulok ng kalsada'y masisilayan,
ang sinasabing hari ng daan.
Sa bawat patak ng ulan, at init ng araw,
makikita mo pa ring sa kalsada'y naglalakbay.
Kaya't sa bawat pag-arangkada,
sa bawat yugto ng pakikiisa,
ang jeepney ay hindi lamang sasakyan,
kundi alaala ng bayan.
Mga tinig ay nag-iisa,
hindi lamang para sa sasakyan,
kundi para sa buhay, ng kabuhayan.
Sa pagtindig, sabay-sabay, ipinaglalaban ang ating karapatan.
No comments:
Post a Comment