𝗕𝗔𝗟𝗜𝗧𝗔: "La Mesa Dam abot spilling level bunsod ng patuloy na pag-ulan" ni Jan Gabriel R. Manaog

 

Inilathala ni: Kristine  Joyce Soriano 

Petsang Inilathala: Septiyembre 01, 2024

Oras na Inilathala: 6:57 AM

Tubig sa La Mesa Dam ay lagpas 𝘴𝘱𝘪𝘭𝘭𝘪𝘯𝘨 𝘭𝘦𝘷𝘦𝘭 na ayon sa ulat ng 𝘗𝘩𝘪𝘭𝘪𝘱𝘱𝘪𝘯𝘦 𝘈𝘵𝘮𝘰𝘴𝘱𝘩𝘦𝘳𝘪𝘤, 𝘎𝘦𝘰𝘱𝘩𝘺𝘴𝘪𝘤𝘢𝘭, 𝘢𝘯𝘥 𝘈𝘴𝘵𝘳𝘰𝘯𝘰𝘮𝘪𝘤𝘢𝘭 𝘚𝘦𝘳𝘷𝘪𝘤𝘦𝘴 𝘈𝘥𝘮𝘪𝘯𝘪𝘴𝘵𝘳𝘢𝘵𝘪𝘰𝘯 (PAGASA) noong Miyerkules, Agosto 28, matapos ang tuloy-tuloy na pag-ulan dala ng hanging Habagat at ang lebel ng tubig ay inaasahang tataas pa.

Ayon sa huling tala noong 5:30 ng umaga, ang lebel ng tubig sa La Mesa Dam ay umabot na sa 80.16 na metro, lagpas sa 80.15 na metrong 𝘴𝘱𝘪𝘭𝘭𝘪𝘯𝘨 𝘭𝘦𝘷𝘦𝘭.

Ani ni Edgar Dela Cruz, isang dalubhasa mula sa 𝘏𝘺𝘥𝘳𝘰𝘮𝘦𝘵𝘦𝘰𝘳𝘰𝘭𝘰𝘨𝘺 𝘋𝘪𝘷𝘪𝘴𝘪𝘰𝘯 𝘸𝘦𝘢𝘵𝘩𝘦𝘳 𝘧𝘢𝘤𝘪𝘭𝘪𝘵𝘪𝘦𝘴 ng PAGASA, sa isang panayam, ang pag-apaw ng nasabing dam ay bahagya lamang subalit pinapayuhan pa rin ang mga residente, lalo na yaong mga nakaranas na ng pagbaha sa nakalipas, na manatiling handa.

Alinsunod dito, nagbigay babala na rin ang PAGASA sa mga inaasahang lugar na maaapektuhan ng pagtaas ng tubig sa ilog Tullahan.

"𝘞𝘢𝘵𝘦𝘳 𝘧𝘳𝘰𝘮 𝘓𝘢 𝘔𝘦𝘴𝘢 𝘋𝘢𝘮 𝘪𝘴 𝘦𝘹𝘱𝘦𝘤𝘵𝘦𝘥 𝘵𝘰 𝘢𝘧𝘧𝘦𝘤𝘵 𝘵𝘩𝘦 𝘭𝘰𝘸-𝘭𝘺𝘪𝘯𝘨 𝘢𝘳𝘦𝘢𝘴 𝘢𝘭𝘰𝘯𝘨 𝘵𝘩𝘦 𝘛𝘶𝘭𝘭𝘢𝘩𝘢𝘯 𝘙𝘪𝘷𝘦𝘳 𝘧𝘳𝘰𝘮 𝘘𝘶𝘦𝘻𝘰𝘯 𝘊𝘪𝘵𝘺 (𝘍𝘢𝘪𝘳𝘷𝘪𝘦𝘸, 𝘍𝘰𝘳𝘦𝘴𝘵 𝘏𝘪𝘭𝘭 𝘚𝘶𝘣𝘥., 𝘘𝘶𝘪𝘳𝘪𝘯𝘰 𝘏𝘪𝘨𝘩𝘸𝘢𝘺, 𝘚𝘵𝘢. 𝘘𝘶𝘪𝘵𝘦𝘳𝘪𝘢, 𝘢𝘯𝘥 𝘚𝘢𝘯 𝘉𝘢𝘳𝘵𝘰𝘭𝘰𝘮𝘦), 𝘝𝘢𝘭𝘦𝘯𝘻𝘶𝘦𝘭𝘢 (𝘉𝘳𝘨𝘺. 𝘓𝘪𝘨𝘰𝘯, 𝘕𝘰𝘳𝘵𝘩 𝘌𝘹𝘱𝘳𝘦𝘴𝘴𝘸𝘢𝘺, 𝘓𝘢 𝘏𝘶𝘦𝘳𝘵𝘢 𝘚𝘶𝘣𝘥.) 𝘢𝘯𝘥 𝘔𝘢𝘭𝘢𝘣𝘰𝘯," saad ng PAGASA sa kanilang Facebook 𝘱𝘰𝘴𝘵.

Patuloy na magbabantay at magbibigay-ulat ang PAGASA sa iba't ibang lokal na pamahalaan ukol sa kalagayan ng dam.

MGA SANGGUNIAN:

Cotabato, L. (2024, Agosto 28). La Mesa Dam reaches spilling level amid monsoon rains. Inquirer.net. https://newsinfo.inquirer.net/.../la-mesa-dam-reaches...

La Mesa Dam reaches spilling level amid rains due to Habagat — PAGASA. (2024, Agosto 28). GMA Integrated News. https://www.gmanetwork.com/.../la-mesa-dam-nears.../story/

Ordas, C. J. (2024, Agosto 28). La Mesa Dam apaw na. Abante. https://www.abante.com.ph/2024/08/28/la-mesa-dam-apaw-na/