Disenyo ni: Avrianne Cabate
Inilatlaha ni: Sarah Belamide
Petsang Inilatlaha: Nobyembre 11, 2024
Oras na Inilatlaha: 5:53 PM
Ang 'Queen Tamaraw' na si Rachel Anne Daquis ay sasabak muli sa Premier Volleyball League (PVL) pagkatapos ng mahigit isang taon sa isang opisyal na anunsyo sa social media ng Farm Fresh Foxies noong ika-25 ng Oktubre.
Ang beteranang outside hitter ay makakasama sa mga manlalaro ng Farm Fresh sa 2024-2025 PVL All-Filipino Conference na magsisimula sa ika-9 ng Nobyembre kasama sina Trisha Tubu, Louie Romero, at Caitlyn Viray sa roster.
Si Daquis ay huling naglaro sa Pilipinas noong 2023 PVL Invitational Conference bilang kapitana ng kanyang koponan na Cignal HD Spikers, kung saan nasungkit nila ang tansong medalya matapos talunin ang F2 Logistics Cargo Movers sa apat na set at pagkatapos, siya ay inimbitahan para makilahok sa isang coaches’ camp sa US.
Pagkatapos ng training sa US, naipatayo ni Daquis ang kauna-unahang Filipino bakery sa Spain, na nagtungo sa mga usapin na umalis na siya nang tuluyan sa mundo ng volleyball ngunit pinabulaanan niya ang mga akusasyon at inaanyayahan ng lahat na makita muli siyang maglaro sa bagong season ng PVL.
Makakasama ni Daquis sina Jheck Dionela at Alohi Robins-Hardy, mga dating kasamahan na libero at setter ng HD Spikers na nagbabalak pataasin ang ikawalong pwesto na nakamit ng Foxies noong Reinforced Conference.
MGA SANGGUNIAN:
[1] Caacbay, K. (2024, Oct 25). Rachel Anne Daquis returns to PVL, joins Farm Fresh. ABS-CBN News. https://news.abs-cbn.com/.../rachel-anne-daquis-returns....
[2] Demigillo, K. (2024, Oct 25). Rachel Anne Daquis makes PVL return with Farm Fresh Foxies. One Sports.
https://www.onesports.ph/.../rachel-anne-daquis-makes-pvl....
PINAGMULAN NG IMAHE:
Farm Fresh Foxies. (October 2024). Facebook. https://www.facebook.com/share/7yKg8AYRSLGrCQX8/?mibextid=WC7FNe
EulΓ‘lia, Luiza. (n.d.). Pinterest. https://pin.it/15MEjgCNU
No comments:
Post a Comment