𝗕𝗔𝗟𝗜𝗧𝗔𝗡𝗚 𝗜𝗦𝗣𝗢𝗥𝗧𝗦: “Mapua Cardinals, nagbalik-lorya sa NCAA matapos 33 taong paghihintay” ni Precious Hannah Mayo

 

Inilathala ni: Haniyah Macadaag

Petsang Inilathala: Disyembre 30, 2024

Oras na Inilathala: 6:11 PM

Nagwagi ang Mapua University sa ika-100 na season ng NCAA Basketball championship matapos daigin ang De La Salle-College of Saint Benilde sa iskor na 94-82, sa ikalawang laro ng finals noong Sabado, ika-7 ng Disyembre, sa Smart Araneta Coliseum.

Nagpakita ng matinding depensa ang Mapua sa unang laro, na nagresulta sa pagkatalo ng St. Benilde. Sa ikalawang laro, mas lalong nagningning ang Cardinals, na nagpakita ng mahusay na kombinasyon ng atake at depensa.

“𝘛𝘩𝘪𝘳𝘵𝘺-𝘵𝘸𝘰 𝘺𝘦𝘢𝘳𝘴 𝘭𝘢𝘴𝘵 𝘺𝘦𝘢𝘳, 33 𝘺𝘦𝘢𝘳𝘴 𝘯𝘨𝘢𝘺𝘰𝘯, 𝘦𝘷𝘦𝘳𝘺 𝘺𝘦𝘢𝘳 𝘯𝘢 𝘭𝘢𝘯𝘨, 𝘵𝘢𝘱𝘰𝘴 𝘸𝘦 𝘥𝘪𝘥 𝘪𝘵. 𝘐𝘵 𝘸𝘢𝘴 𝘢 𝘴𝘩𝘰𝘸 𝘱𝘢𝘳𝘢 𝘴𝘢 𝘱𝘢𝘴𝘵 𝘯𝘢 𝘊𝘢𝘳𝘥𝘪𝘯𝘢𝘭𝘴, 𝘱𝘢𝘴𝘵 𝘤𝘰𝘢𝘤𝘩𝘦𝘴 𝘯𝘨 𝘊𝘢𝘳𝘥𝘪𝘯𝘢𝘭𝘴, 𝘴𝘢 𝘴𝘵𝘶𝘥𝘦𝘯𝘵 𝘣𝘰𝘥𝘺, 𝘱𝘢𝘳𝘢 𝘵𝘢𝘭𝘢𝘨𝘢 𝘴𝘢 𝘬𝘢𝘯𝘪𝘭𝘢 𝘪𝘵𝘰,” pasasalamat ni Escamis na nagtala ng 18 puntos para sa mga nakaraang manlalaro at coaches ng Mapua.

Malaki rin ang naitulong ni Cyrus Cuenco sa pagbabalik ng Mapua sa tuktok ng NCAA. Nagtala siya ng 19 puntos, apat na assists, dalawang rebounds, at isang steal.

Ang pagkapanalo sa kampeonato ay isang angkop na regalo para sa unibersidad, na magdiriwang ng ika-100 taong anibersaryo nito sa Enero 2025. 

Nang matapos ang laban, kapwa si Coach Randy Alcantara at ang buong koponan ng Mapua Cardinals ay napaluha sa matinding emosyon.

“𝘐’𝘮 𝘰𝘷𝘦𝘳𝘫𝘰𝘺𝘦𝘥. 𝘍𝘪𝘯𝘢𝘭𝘭𝘺, 𝘸𝘦 𝘨𝘰𝘵 𝘪𝘵 𝘢𝘧𝘵𝘦𝘳 𝘵𝘩𝘳𝘦𝘦 𝘵𝘳𝘪𝘦𝘴 𝘪𝘯 𝘵𝘩𝘦 𝘧𝘪𝘯𝘢𝘭𝘴,” masayang pasasalamat ni Coach Alcantara sa tagumpay ng koponan.

MGA SANGGUNIAN:

Anzures, R. (2024, December 7). NCAA: Mapua completes sweep of St. Benilde to clinch Season 100 championship | ABS-CBN Sports. ABS-CBN. https://www.abs-cbn.com/sports/basketball/2024/12/7/mapua-completes-sweep-of-st-benilde-to-clinch-season-100-championship-1652

Ramos, G. (2024, December 7). VIVA!: Mapua sweeps Benilde to seize first title since 1991. Spin.ph. https://www.spin.ph/basketball/ncaa-men/mapua-sweeps-benilde-to-seize-first-title-since-1991-a793-20241207