𝗟𝗜𝗕𝗔𝗡𝗚𝗔𝗡: "Rom-com Sequel '100 Awit para kay Stella,' ipapalabas sa Setyembre" ni Matt A. Tejido

 

Inilathala ni: Mherry Vhine Macalalag 

Petsang Inilathala: Agosto 13, 2025

Oras na Inilathala: 9:10 AM

Pagkatapos ng walong taon, muling bibigyang-ganap ang buhay nina Fidel at Stella sa pinakahihintay na sequel ng "100 Tula para kay Stella," na pagbibidahan nina JC Santos at Bela Padilla, at ipapalabas sa mga sinehan sa ika-10 ng Setyembre, 2025.

Sa orihinal na palabas, ipinakita ni Fidel, na may speech defect, ang kaniyang paghanga sa kapwa freshman na si Stella sa pamamagitan ng lihim na pagsusulat ng mga tula para sa kaniya.

Ipinakilala naman si Kyle Echarri bilang bagong cast para sa sequel na ito, na gaganap bilang Clyde, ang magiging kaagaw ni Fidel sa pagmamahal ni Stella.

Nitong ika-6 ng Agosto, sa isang panayam, inihayag ni Bela Padilla na muntik na siyang palitan para sa kaniyang papel bilang si Stella.

"Lumipad na ako papuntang London, umalis ako, tapos nabalitaan ko na may iba nang ipa-partner kay JC," kuwento ni Bela.

"They almost replaced me. It was supposed to be a different star," dagdag niya.

Sa ilalim ng Viva Films, sa direksyon at panulat ni Jason Paul Laxamana, itinatampok ang mga bagong orihinal na kanta na ginawa nina Rob Deniel, Amiel Sol, Shanne Dandan, at Kyle Echarri.

SANGGUNIAN:

[1] Cerezo, A. (2025, June 13). Kyle Echarri joins Bela Padilla, JC Santos in sequel of ‘100 Tula Para Kay Stella’ | ABS-CBN Entertainment. ABS-CBN. https://www.abs-cbn.com/.../kyle-echarri-joins-bela...

[2] ABS-CBN News. (2024, November 9). Bela Padilla, JC Santos reunite for “100 Tula Para Kay Stella” sequel | ABS-CBN Entertainment. ABS-CBN. https://www.abs-cbn.com/.../bela-padilla-jc-santos...

[3] Cerezo, A. (2025b, August 6). “They almost replaced me”: Bela Padilla almost lost lead role in sequel of “100 Tula Para Kay Stella” | ABS-CBN Entertainment. ABS-CBN. https://www.abs-cbn.com/.../bela-padilla-almost-lost-lead...