Kinumpirma ng Ateneo de Manila University ang pagpanaw ng dalawang rising hoopers, Rene Clert Baterbonia at Divine Adili matapos ang isang insidente ng pagkalunod noong Martes, ika-8 ng Hunyo.
Ayon sa unibersidad, naganap ang trahedya sa isang team-building activity ng men's basketball team Sa Dipaculao, Aurora sa pamumuno ni Coach Tab Baldwin.
Kabilang sa mga pumanaw ay si Adili, isang Nigerian student-athlete na inaasahang player ng blue eagles sa mga susunod pang taon. Ang 19-taong gulang naman na si Baterbonia ay matatandaang itinanghal na Most Valuable Player sa Palarong pambansa bilang kinatawan ng Davao Region (DAVRAA).
Nagpaabot ang Ateneo ng pakikiramay sa mga pamilya, kaibigan, coach, at kapwa atleta ng dalawang manlalaro.
"The Ateneo de Manila University continues to mourn the tragic loss of our student-athletes, Rene Clert Baterbonia and Divine Adili. We remain united in prayer with their families, teammates, coaches, friends, and all members of the University community who are grieving this profound loss." Ani ng Ateneo sa isang opisyal na salaysay.
Naniniwala naman ang pamilya ni Baterbonia na may foul play na naganap sa nangyaring trahedya.
"Since the incident, the University has been working closely with the families of Rene and Divine to provide support and assistance during this difficult time," ayon sa institusyon.
Nailipat na ang mga labi nina Baterbonia mula sa Aurora Memorial Hospital patungo sa Arlington Memorial Chapels and Crematory sa Quezon City nitong umaga ng Martes, Hunyo 9.
MGA SANGGUNIAN:
Bergado, G. (2026, June 8). Ateneo’s Divine Adili, Rene Baterbonia pass away. https://tribune.net.ph/2026/06/08/ateneos-divine-adili-rene-baterbonia-pass-away?_gl=1*1x9gpq*
Ateneo De Manila Official Statement: https://www.ateneo.edu/statement/2026/06/update-passing-divine-adili-rene-clert-baterbonia
No comments:
Post a Comment