Published by: Lloyd Agbulos
Date published : March 08, 2022
Time published: 1:00 PM
Kategorya: Tula
Tema: Digmaaan
Buod: Ang tunay na kasarinlan ay nasa may mabuting kalooban...
Umaalingasaw ang usok sa kapaligiran
Mga balang sa langit nagliliparan
Karapata't dignidad ay pinaglalaban
Pagdurusa sa pagkamit ng kalayaan
Iba't ibang opinyong nagtatagisan
Dahas na ginagamit sa karahasan
Patuloy na pag-usbong ng digmaan
Paano na mga kawawang sibilyan
Matayog na istruktura'y nagsibagsakan
Mga tahanang sapilitang nililisan
Kabataang namulat sa kahangalan
Katapatan sa bayan dulot ba'y kamatayan
Komunikasyon nga'y tunay na kailangan
Pakikinig ang daan tungo sa kasarinlan
Hindi gulo ang sagot sa bawat katanungan
Tunay na karangala'y nasa malinis na kalooban
No comments:
Post a Comment