Published by: Lloyd Agbulos
Date published: May 18, 2022
Time published: 12:42 PM
Kategorya: Tula
Tema: Eleksyon
Sipnosis: Ano nga bang kulay ang nararapat para sa ating hinaharap.
Halina't pagmasdan ang ating bansa
Hanapin ang kapayapaang hindi makita
Pagkakagulo't away na tao rin ang may likha
Di magkasundong partido lalong lumubha
Ang mga mamamayan sa ating bayan
Nagdudulot ng pagkasawi at karahasan
Ano nga bang mangyayari sa ating lipunan
Kung patuloy na nasisilaw sa kapangyarihan
Kulay ba sa kinabukasan ang magdidikta
Ilang pintura pa ba ang sa atin matitira
Upang malaman at mamulat ang mga mata
Kung ano ang importansya ng maliit na tinta
Patuloy na magsaliksik para sa kapakanan
Ipaglaban ng tama ang ating karapatan
Lahat tayo'y mahalaga't parte ng kasaysayan
Gawin ang makakaya para sa kasalukuyan
No comments:
Post a Comment