𝗣𝗔𝗡𝗜𝗧𝗜𝗞𝗔𝗡: "Hinagpis ng kawalan" ni Harold B. Caminto

 

Disenyo ni Almira Reyes

Inilathala ni: Mary Nazarene Francisco

Petsang Inilathala: Marso 4, 2024

Oras na Inilathala: 11:05 AM

Kategorya: Tula

Tema: Pagkupas ng nararamdaman

Sa paglipas ng panahon,

Nagbago ang iyong emosyon.

Pagtamlay ng mata mo

at pagkupas ng ngiti ay nakaukit na

sa pinagsisihan kong sandali.

Parang oras lamang ang makakapagsabi,

Ngunit handa akong maghintay sa

muling pagtatagpo ng ating labi.

Kahit paulit-ulit ang pangangailangan ng pagbabawi,

Handa pa rin akong maghintay

sa iyong pag-uwi.

Sa bawa't araw na ako'y namumuhay

ay aking hahanapin ang

pinagsamahang nakaukit–

sa mata mong kay tamlay.

Ano ba ang pagkakamaling nagawa

upang sa pananaw mo ay wala na

akong nagawang tama?

Sa mga lumipas na sandali,

Dama ko ang emosyon mong unti-unting kumukupas.

Nag-iisa ako't nag durusa,

Pumipiglas sa alaala

ng dating pagsasama.

Ika'y nanatiling akin ngunit:

Sa iglap ng panahon, ang sarili'y matatagpuang nagtatanong.

Sapagkat, sa munting sandali na maaari tayong magsama,

Sigla ng ngiting nakasalalay

sa ating pag-iibigan

ay tuluyang naglaho na.

PINAGKUHANAN NG IMAHE:

 Milo. (2023, April 4). 𝑆𝑙𝑦𝑡ℎ𝑒𝑟𝑖𝑛 𝑎𝑒𝑠𝑡ℎ𝑒𝑡𝑖𝑐 ♡︎. Pinterest. Retrieved February 28, 2024, from https://pin.it/57Iyu42Bu