Dibuho ni: James Gamboa
Inilathala ni: Ellen Clare Carballo
Petsang Inilathala: Abril 1, 2024
Oras na Inilathala: 4:19 PM
Kategorya: Tula
Tema: Birong sa buhay ay 'di nakatutuwa.
Ano ang totoong layunin ng mga biro
tuwing Abril?
kung ang aking buhay
ay mas nakaaaliw.
Ako ang payaso na nagbibigay ngiti,
gamit ang makukulay na kolorete
nakabuo ng mukhang masaya.
Habang ang tunay na nadarama,
mananatiling nasa likod ng makulay na maskara.
Gaya ng mga nakatagong
mensahe sa likod ng tula,
doon mo rin makikita
ang mga naipon kong luha.
Ang mga birong sa iba'y nakakapagpatawa,
saki'y panlilinlang ang dala.
Bawat biro'y sumasakit,
bawat biro'y nilulunok.
Sa buhay ko’y walang saysay
ang mga biro tuwing Abril,
nagbibigay lamang ito
ng kaguluhan at kalituhan.
Kung mas biro ba ang aking buhay
kaysa sa mga nakikitang kalokohan.
Kung sumasabay pa ba ang talinhaga
sa mga tugma.
No comments:
Post a Comment