𝗕𝗔𝗟𝗜𝗧𝗔𝗡𝗚 𝗔𝗚𝗛𝗔𝗠 𝗔𝗧 𝗧𝗘𝗞𝗡𝗢𝗟𝗢𝗛𝗜𝗬𝗔: "Balik 𝘚𝘤𝘪𝘦𝘯𝘵𝘪𝘴𝘵 𝘗𝘳𝘰𝘨𝘳𝘢𝘮: Mahigit 120 na siyentipiko, nagbalik sa Pilipinas" ni Iony Ghail M. Castillo

Disenyo ni: Paul Adrian Aguilar 

Inilathala ni: Jean Ashley Lugod 

Petsang Inilathala: Pebrero 12, 2025

Oras na Inilathala: 1:36 PM 

Sa ilalim ng “Balik 𝘚𝘤𝘪𝘦𝘯𝘵𝘪𝘴𝘵 𝘗𝘳𝘰𝘨𝘳𝘢𝘮” ng 𝘋𝘦𝘱𝘢𝘳𝘵𝘮𝘦𝘯𝘵 𝘰𝘧 𝘚𝘤𝘪𝘦𝘯𝘤𝘦 𝘢𝘯𝘥 𝘛𝘦𝘤𝘩𝘯𝘰𝘭𝘰𝘨𝘺 (DOST), mahigit 120 na siyentipikong Pilipino na ang bumalik sa Pilipinas mula noong 2022, upang magbahagi ng kanilang kaalaman at makatulong sa pag-unlad ng agham, teknolohiya, at ekonomiya ng bansa. 

Ayon kay 𝘚𝘤𝘪𝘦𝘯𝘤𝘦 𝘚𝘦𝘤𝘳𝘦𝘵𝘢𝘳𝘺 Renato Solidum noong lunes sa isang pahayag, ang ilang mga siyentipikong nagbalik sa bansa ay nanatili na at naging permanente.

“Sa July 2022 hanggang 𝘦𝘯𝘥 of 2024, mahigit 120 𝘱𝘭𝘶𝘴 ang ating napabalik na mga siyentista. Ang iba rito ay 𝘱𝘦𝘳𝘮𝘢𝘯𝘦𝘯𝘵 na,” pahayag niya sa Bagong Pilipinas Ngayon. 

“Kasi yung ating 𝘦𝘯𝘨𝘢𝘨𝘦𝘮𝘦𝘯𝘵 sa ‘Balik 𝘚𝘤𝘪𝘦𝘯𝘵𝘪𝘴𝘵’ ay 15 𝘥𝘢𝘺𝘴 𝘵𝘰 𝘴𝘪𝘹 𝘮𝘰𝘯𝘵𝘩𝘴; 𝘴𝘪𝘹 𝘮𝘰𝘯𝘵𝘩𝘴 𝘵𝘰 𝘰𝘯𝘦 𝘺𝘦𝘢𝘳; 𝘢𝘯𝘥 𝘰𝘯𝘦 𝘺𝘦𝘢𝘳 𝘵𝘰 𝘵𝘩𝘳𝘦𝘦 𝘺𝘦𝘢𝘳𝘴.” dagdag pa niya.

Ang mga siyentipikong nagbalik ay binibigyan ng 𝘨𝘳𝘢𝘯𝘵-𝘪𝘯-𝘢𝘪𝘥 upang makabili ng mga kagamitan at makapag-𝘴𝘦𝘵 𝘶𝘱 ng mga laboratoryo. 

Sa ilalim ng DOST, binibigyan ng suporta ang mga siyentipiko upang makapagpatuloy sa kanilang mga proyekto sa bansa at mapabuti ang mga teknolohiyang ginagamit sa mga lokal na industriya.

Isa sa mga halimbawa ng tagumpay ng programa ay ang isang beterinaryo na nakapag-𝘥𝘦𝘷𝘦𝘭𝘰𝘱 ng isang 𝘮𝘰𝘣𝘪𝘭𝘦 𝘈𝘧𝘳𝘪𝘤𝘢𝘯 𝘴𝘸𝘪𝘯𝘦 𝘧𝘦𝘷𝘦𝘳 𝘵𝘦𝘴𝘵𝘪𝘯𝘨 𝘧𝘢𝘤𝘪𝘭𝘪𝘵𝘺, na ngayon ay nasa proseso ng paggawa ng bakuna laban sa ASF.

Layunin ng programa na labanan ang 𝘣𝘳𝘢𝘪𝘯 𝘥𝘳𝘢𝘪𝘯 at maitaguyod ang inobasyon sa iba't ibang sektor tulad ng agrikultura, kalusugan at enerhiya. 

Pinapalakas din ng DOST ang 𝘩𝘶𝘮𝘢𝘯 𝘤𝘢𝘱𝘪𝘵𝘢𝘭 sa bansa sa pamamagitan ng paghubog sa libu-libong mag-aaral sa 𝘗𝘩𝘪𝘭𝘪𝘱𝘱𝘪𝘯𝘦 𝘚𝘤𝘪𝘦𝘯𝘤𝘦 𝘏𝘪𝘨𝘩 𝘚𝘤𝘩𝘰𝘰𝘭 (PSHS) at mga STEM program sa kolehiyo sa larangan ng agham, teknolohiya at inobasyon.

“Kailangan natin mag-𝘣𝘶𝘪𝘭𝘥 ng 𝘦𝘤𝘰𝘴𝘺𝘴𝘵𝘦𝘮 para patuloy yung gagawa ng mga 𝘳𝘦𝘴𝘦𝘢𝘳𝘤𝘩 at 𝘪𝘯𝘯𝘰𝘷𝘢𝘵𝘪𝘰𝘯 dito sa Pilipinas,” dagdag pa ni Solidum

Sa kasalukuyan, may humigit-kumulang 10,000 estudyante sa PSHS, 50,000 sa mga 𝘚𝘤𝘪𝘦𝘯𝘤𝘦, 𝘛𝘦𝘤𝘩𝘯𝘰𝘭𝘰𝘨𝘺 𝘢𝘯𝘥 𝘔𝘢𝘵𝘩𝘦𝘮𝘢𝘵𝘪𝘤𝘴 (STEM) 𝘥𝘦𝘨𝘳𝘦𝘦 𝘱𝘳𝘰𝘨𝘳𝘢𝘮𝘴 sa kolehiyo, at mahigit 5,000 naman ang kumukuha ng 𝘮𝘢𝘴𝘵𝘦𝘳𝘴 at 𝘥𝘰𝘤𝘵𝘰𝘳𝘢𝘵𝘦 𝘥𝘦𝘨𝘳𝘦𝘦 sa mga larangang ito.

MGA SANGGUNIAN:

[1] Gutierrez, P. (2025, February 3). DOST's 'Balik' program has attracted over 120 Filipino scientists abroad since 2022 | ABS-CBN news. ABS-CBN. https://www.abs-cbn.com/news/health-science/2025/2/3/dost-balik-program-has-attracted-over-120-pinoy-scientists-since-2022-1611

[2] GMA Integrated News (2025, February 3). DOST: Over 120 Filipino scientists return to PH under 'Balik Scientist' program. https://www.gmanetwork.com/news/scitech/science/934993/dost-over-120-filipino-scientists-return-to-ph-under-balik-scientist-program/story/

IMAGE SOURCE: 

Gutierrez, P. (2025, February 3). DOST's 'Balik' program has attracted over 120 Filipino scientists abroad since 2022 | ABS-CBN news. ABS-CBN. https://www.abs-cbn.com/news/health-science/2025/2/3/dost-balik-program-has-attracted-over-120-pinoy-scientists-since-2022-1611