𝗕𝗔𝗟𝗜𝗧𝗔𝗡𝗚 𝗜𝗦𝗣𝗢𝗥𝗧𝗦: “Drex Zamboanga sabik bumalik at patunayan ang bagsik sa BRAVE Combat Federation sa 2026” ni Precious Hannah Mayo

Inilathala ni: Keshia Gwyneth Esposa

Petsang Inilathala: Enero 17, 2026

Oras na Inilathala: 3:50 PM

Handang kumawala at muling manindak si Drex “T-Rex” Zamboanga sa loob ng hawla ng BRAVE Combat Federation (BRAVE CF), determinadong ipakita— bilang isa sa mga mahuhusay na 𝘍𝘪𝘭𝘪𝘱𝘪𝘯𝘰 𝘍𝘪𝘨𝘩𝘵𝘦𝘳, na hindi pa tapos ang kanyang laban sa pandaigdigang mundo ng Mixed Martial Arts (MMA), ngayong 2026.

Naudlot ang inaabangang 𝘥𝘦𝘣𝘶𝘵 ni T-Rex sa BRAVE CF noong nakaraang taon matapos siyang magtamo ng lateral collateral ligament injury sa tuhod, na nagpilit sa kanya na umatras sa BRAVE CF 95 at pansamantalang huminto ang kanyang 𝘮𝘰𝘮𝘦𝘯𝘵𝘶𝘮.

Ang biglaang pagkaantala ay isang malaking dagok para sa beteranong mandirigma, lalo’t dala niya noon ang mataas na 𝘮𝘰𝘮𝘦𝘯𝘵𝘶𝘮 at matinding pananabik na ipakita ang kanyang galing sa isang pandaigdigang entablado ng MMA.

Sa halip na panghinaan ng loob, ginamit ni T-Rex ang mahabang panahon ng rehabilitasyon upang palakasin hindi lamang ang kanyang katawan kundi pati ang disiplina, kaisipan sa laban, at determinasyong bumalik na mas malakas kaysa dati.

Matapos ideklarang ganap nang malakas at handa, bumalik si T-Rex sa buong-intensidad na pagsasanay, hinahasa muli ang kanyang tama, pagkakahawak, at tibay ng katawan bilang paghahanda sa mas mabibigat at mas matinding bakbakan.

 “𝘐 𝘩𝘢𝘷𝘦 𝘣𝘦𝘦𝘯 𝘢𝘸𝘢𝘺 𝘭𝘰𝘯𝘨 𝘦𝘯𝘰𝘶𝘨𝘩, 𝘢𝘯𝘥 𝘐 𝘢𝘮 𝘩𝘶𝘯𝘨𝘳𝘺 𝘵𝘰 𝘤𝘰𝘮𝘱𝘦𝘵𝘦 𝘢𝘨𝘢𝘪𝘯. 𝘐 𝘴𝘪𝘨𝘯𝘦𝘥 𝘸𝘪𝘵𝘩 𝘉𝘙𝘈𝘝𝘌 𝘊𝘍 𝘵𝘰 𝘧𝘪𝘨𝘩𝘵, 𝘢𝘯𝘥 𝘐 𝘸𝘢𝘯𝘵 𝘵𝘰 𝘮𝘢𝘹𝘪𝘮𝘪𝘻𝘦 𝘵𝘩𝘪𝘴 𝘤𝘰𝘯𝘵𝘳𝘢𝘤𝘵,” ani T-Rex, na malinaw na sumasalamin sa kanyang uhaw sa laban at determinasyong sulitin ang bawat pagkakataon.

Bitbit ng dating URCC bantamweight champion ang solidong 14-6 na propesyonal na rekord, kung saan 11 sa kanyang mga panalo ay nagwakas sa, 𝘬𝘯𝘰𝘤𝘬𝘰𝘶𝘵 o 𝘴𝘶𝘣𝘮𝘪𝘴𝘴𝘪𝘰𝘯, patunay ng kanyang bagsik, 𝘬𝘪𝘭𝘭𝘦𝘳 𝘪𝘯𝘴𝘵𝘪𝘯𝘤𝘵, at kakayahang tapusin ang laban anumang sandali.

Kilala si T-Rex sa kanyang agresibong istilo, at kakayahang tapusin ang laban, mga sandatang inaasahang magiging susi sa kanyang kampanya sa BRAVE CF.

Sa kanyang bagong yugto sa pandaigdigang MMA, target ni T-Rex na makalikom ng sunod-sunod na panalo, umakyat sa ranggo, at muling ipaalala sa mundo na ang Pilipinong mandirigma ay handang mangibabaw sa loob ng hawla.

Para kay T-Rex, ang pagbabalik na ito ay hindi lamang 𝘤𝘰𝘮𝘦𝘣𝘢𝘤𝘬 kundi isang matinding pahayag na siya ay handang lumaban, manalo, at muling patunayan ang kanyang tapang at bagsik sa BRAVE Combat Federation.

REFERENCES:

ABS-CBN News. (2026, January 15). Drex Zamboanga eager to prove worth in new journey with BRAVE CF | ABS-CBN Sports. ABS-CBN. https://www.abs-cbn.com/sports/othersports/2026/1/15/drex-zamboanga-eager-to-prove-worth-in-new-journey-with-brave-cf-1710

Fit-again Drex Zamboanga eager to compete anew in new journey with BRAVE CF. (n.d.). One-network. https://www.onesports.ph/more-sports/article/40193/fit-again-drex-zamboanga-eager-to-compete-anew-in-new-journey-with-brave-cf

#News #Sports