𝗕𝗔𝗟𝗜𝗧𝗔: “Panandaliang 𝘭𝘢𝘷𝘢 𝘦𝘮𝘪𝘴𝘴𝘪𝘰𝘯 naitala sa Mayon” ni James Xyrelle M. Galang

 

Disenyo ni: Paul Quijano

Inilathala ni:Patrick Lance Guerra

Petsang Inilathala: Enero 20, 2026

Oras ng Inilathala: 7:55 AM

Nagbuga ng panandaliang 𝘭𝘢𝘷𝘢 ang Bulkang Mayon madaling-araw ng Enero 13, na tumagal ng humigit-kumulang 35 segundo at umabot sa 100 metro ang taas mula sa bunganga ng bulkan, ayon sa 𝘗𝘩𝘪𝘭𝘪𝘱𝘱𝘪𝘯𝘦 𝘐𝘯𝘴𝘵𝘪𝘵𝘶𝘵𝘦 𝘰𝘧 𝘝𝘰𝘭𝘤𝘢𝘯𝘰𝘭𝘰𝘨𝘺 𝘢𝘯𝘥 𝘚𝘦𝘪𝘴𝘮𝘰𝘭𝘰𝘨𝘺 (PHIVOLCS).

Naitala ang pagbuga ng 𝘭𝘢𝘷𝘢 gamit ang mga monitoring station ng 𝘔𝘢𝘺𝘰𝘯 𝘝𝘰𝘭𝘤𝘢𝘯𝘰 𝘖𝘣𝘴𝘦𝘳𝘷𝘢𝘵𝘰𝘳𝘺 𝘢𝘵 𝘔𝘢𝘺𝘰𝘯 𝘙𝘦𝘴𝘵𝘩𝘰𝘶𝘴𝘦 𝘚𝘵𝘢𝘵𝘪𝘰𝘯. Ayon sa ahensya, hindi pa ito sapat na dahilan upang itaas ang 𝘢𝘭𝘦𝘳𝘵 𝘭𝘦𝘷𝘦𝘭.

“𝘛𝘩𝘪𝘴 𝘪𝘴 𝘯𝘰𝘵 𝘺𝘦𝘵 𝘤𝘰𝘯𝘤𝘦𝘳𝘯𝘪𝘯𝘨 𝘦𝘯𝘰𝘶𝘨𝘩 𝘵𝘰 𝘸𝘢𝘳𝘳𝘢𝘯𝘵 𝘳𝘢𝘪𝘴𝘪𝘯𝘨 𝘵𝘩𝘦 𝘈𝘭𝘦𝘳𝘵 𝘓𝘦𝘷𝘦𝘭,” ani PHIVOLCS Director Dr. Teresito Bacolcol.

Dagdag pa niya, maaari lamang itaas ang 𝘢𝘭𝘦𝘳𝘵 𝘭𝘦𝘷𝘦𝘭 kapag ang aktibidad ng 𝘭𝘢𝘷𝘢 ay naging tuloy-tuloy, mas tumagal, at umabot ng daan-daang metro kasabay ng paglala ng iba pang senyales ng aktibidad ng bulkan.

Sa kasalukuyan, nananatili sa Alert Level 3 ang Mayon Volcano na nangangahulugang may mataas na antas ng panganib at posibilidad ng 𝘱𝘺𝘳𝘰𝘤𝘭𝘢𝘴𝘵𝘪𝘤 𝘥𝘦𝘯𝘴𝘪𝘵𝘺 𝘤𝘶𝘳𝘳𝘦𝘯𝘵𝘴, 𝘭𝘢𝘷𝘢 𝘧𝘭𝘰𝘸𝘴, 𝘢𝘵 𝘳𝘰𝘤𝘬𝘧𝘢𝘭𝘭𝘴.

Sa nakalipas na 24 oras, nakapagtala ang PHIVOLCS ng 206 na 𝘳𝘰𝘤𝘬𝘧𝘢𝘭𝘭 𝘦𝘷𝘦𝘯𝘵𝘴 at 63 na 𝘱𝘺𝘳𝘰𝘤𝘭𝘢𝘴𝘵𝘪𝘤 𝘥𝘦𝘯𝘴𝘪𝘵𝘺 𝘤𝘶𝘳𝘳𝘦𝘯𝘵𝘴, kasama ang pagbuga ng 𝘴𝘶𝘭𝘧𝘶𝘳 𝘥𝘪𝘰𝘹𝘪𝘥𝘦 𝘨𝘢𝘴 at paglitaw ng 𝘤𝘳𝘢𝘵𝘦𝘳 𝘨𝘭𝘰𝘸.

Mahigpit na ipinagbabawal ang pagpasok sa anim na kilometrong 𝘗𝘦𝘳𝘮𝘢𝘯𝘦𝘯𝘵 𝘋𝘢𝘯𝘨𝘦𝘳 𝘡𝘰𝘯𝘦 na sumasaklaw sa ilang lugar sa Albay tulad ng Legazpi City, Daraga, Camalig, Guinobatan, Malilipot, at Santo Domingo.

Ayon sa 𝘕𝘢𝘵𝘪𝘰𝘯𝘢𝘭 𝘋𝘪𝘴𝘢𝘴𝘵𝘦𝘳 𝘙𝘪𝘴𝘬 𝘙𝘦𝘥𝘶𝘤𝘵𝘪𝘰𝘯 𝘢𝘯𝘥 𝘔𝘢𝘯𝘢𝘨𝘦𝘮𝘦𝘯𝘵 𝘊𝘰𝘶𝘯𝘤𝘪𝘭, mahigit 4,000 katao ang apektado ng patuloy na aktibidad ng Mayon Volcano at karamihan sa kanila ay nananatili sa mga 𝘦𝘷𝘢𝘤𝘶𝘢𝘵𝘪𝘰𝘯 𝘤𝘦𝘯𝘵𝘦𝘳.

Tiniyak naman ng 𝘋𝘦𝘱𝘢𝘳𝘵𝘮𝘦𝘯𝘵 𝘰𝘧 𝘚𝘰𝘤𝘪𝘢𝘭 𝘞𝘦𝘭𝘧𝘢𝘳𝘦 𝘢𝘯𝘥 𝘋𝘦𝘷𝘦𝘭𝘰𝘱𝘮𝘦𝘯𝘵 na sapat ang pagkain, tulong, at suplay para sa mga 𝘦𝘷𝘢𝘤𝘶𝘦𝘦 at handa silang tumugon sakaling madagdagan pa ang bilang ng mga lilikas.

Patuloy ang masusing pagbabantay ng PHIVOLCS sa Mayon Volcano at patuloy ding pinapayuhan ang publiko na manatiling alerto at sumunod sa mga abiso ng mga awtoridad.

MGA SANGGUNIAN: 

[1] Clores, K. (2026, January 13). Mayon Volcano spews short-lived lava on Tuesday – PHIVOLCS. Inquirer. https://newsinfo.inquirer.net/2167255/mayon-volcano-spews-short-lived-lava-on-tuesday-phivolcs-2/amp

[2] IQAir. (2026, January 12). Volcanic eruption map spotlight: Mayon Volcano, Philippines. https://www.iqair.com/hk-en/newsroom/volcanic-eruption-map-spotlight-mayon-volcano-philippines

[3] Manahan, J. (2026, January 12). DSWD: Enough aid, supplies for those affected by Mayon unrest. ABS-CBN News. https://www.abs-cbn.com/news/regions/2026/1/12/dswd-enough-aid-supplies-for-those-affected-by-mayon-unrest-1602

[4] Rita, J. (2026, January 13). Mayon Volcano logged 206 rockfalls, 63 PDCs in past 24 hours. GMA News. https://www.gmanetwork.com/news/topstories/regions/972601/mayon-volcano-logged-206-rockfalls-63-pdcs-in-past-24-hours/story/?amp