Published by Samantha Angelica Salaver
Date Published: June 2, 2023
Time Published: 3:07 P.M.
Kategorya: Tula
Tema: Pinagtapo pero hindi tinadha
Tila mga linya ng sukgisan,
Maituturing yaring pagmamahalan.
Linyang maglalapit, magdadampian,
Ngunit 'di mananatili, kailanman.
Ikaw ang tangway,
Sa sirkulong kinabuhi,
Hahawakan aking mga kamay,
Ngunit magmamaliw ilang sandali.
Ikaw at ako—mga asintota
Sa isang malawak na talaguhitan,
Maghahabol sa isa't isa,
Subalit mamamalaging agapayan.
Tayo'y masalimuot na mga guhit
Na magsisilbing transportasyon,
Daraanan ang landas na kaypait
Patungo sa ibang destinasyon.
No comments:
Post a Comment