Published by: Clarence Pasco
Date Published: August 28, 2023
Time Published: 11:09 AM
Kategorya: Tula
Tema: Pagsubok/Pagdurusa
Simoy ng malamig na hangin, umaaligid
Mapanglaw na damdaming may ipinapabatid
Luhang nagtutuksong pumatak,
Ingay ng katahimika'y humahalakhak
Pasado alas dose ng hating gabi
Pagsibol ng maputi at bilog na buwan
Mga bituwing nagniningning sa kalangitan
Malumaymay na himig ng kapaligiran
Tila gabi'y binabalot ng saya,
Kasiyahan na, nais kong madama
Pagsilip sa munting salamin,
Naaninag ang liwanag nakabighani sa'kin
Pinukaw ang puso, isip, at kalamnan
Mahalimuyak na amoy nakagagaan
Ako'y napatanong sa aking sarili
Saan nga ba ako nagkulang
Pilit inalam kung saan nga ba
Ibinigay ang lahat ni halos walang natira
Kasabay ng nadama,
Ihip ng hangi'y nag-iba
Lumipas ang ilang minuto
Ako'y nakapagisip-isip
Mga salita'y nabuo sa aking isip
Kasama ng damdamin at pag-ibig
Napagtanto sa bawat salita
Natukoy na kung saan nga ba
Hindi kontrolado ang bawat minuto,
O kay ganda palang mabuhay sa mundong ito.
Patuloy ang pagbalot ng dilim
Sabay sa kumpas ng orasang may mithiin
Tinig na palaging pinakikinggan
Itugma sa damdaming pinahahalagahan.
No comments:
Post a Comment