Cartoon by Kenneth Marquez
Published by: Faith Villaluna
Date Published: October 17, 2023
Time Published: 9:00 AM
Kategorya: Tula
Tema: Pagbitaw sa lulan ng mga iniwan
Naipasa ko na ang kursong
hindi kailanman nabigyan ng grado.
Nakapagtapos na ako.
Naiwan pa rin ang ilang lulan mo.
Subalit wala ka na rito.
Nakapagtapos na ako.
Minsan dumadalaw ang kirot
ng katotohanang mas nauna
ka sa aking nagtapos.
Subalit, hindi na mahalaga
kung sino ang nahuli—
sino sa atin ang nauna.
Mas matimbang na
nagising akong—
Kaya ko nang wala ka.
Sa wakas, hindi na ikaw
sapagkat nagtapos na ako.
Nakapagtapos na ako sa'yo.
No comments:
Post a Comment